[مطلوب تغيير اسمه]

السلام عليكم ورحمة الله وبركاته
هذه مجموعه من قصايد الشاعر الكبير والزعيم (مساعد ربيع الرشيدي)
واليكم القصايد

العنود

العنود اللي مساء البارح وانا سيد سهرها--اقبلت مثل البياض وودعت مثل برديـــــة
المساء ضج بسوالف عطرها واشعل سفرها--والعروق اللي روت مسيرها خضر وندية
مانشدت اخت المهاه ليامتى حزة خدرها -- حد علمي يوم امد لجيدها شرهة ايديــــــــــة
عقدها المغرور تاة بعطرها ولا نحـــــــــرها -- ساعة اشرة علية وساعة يشرة عليــــــــــة
كل مالدت على البال والعقد يخزرهـــــــــــــــا -- قلت انا ماني خوي عادتة ينسى خويـــــــــــــة
ليتها تدري وعقد الماس لويدري عــــــــــــــذرها -- اشهد ان الجمرة اللي في الحشاء منى وفـــــــــية
من سرت يمي وانا مالي خيار الا قـــــــــــــدرها -- كنها كل السنين المقبلة والأوليـــــــــــــــــــــــــــة
من غدت همي وانا مالي ديار الا ديـــــــــــــــرها --جالها بين الظلوع الظامية روحة وجــــــــــــية
جادل كل الدروب المعشبة تنبت بثـــــــــــــــــــرها -- جت تبي جرح وقصيد وخلت الثنتن ليــــــــــــــــــــة
من يحدثني حديث الثلج للجمر بثــــــــــــــــــــــغرها --والله اني كنت ناوي لي بهاك الجمر نيـــــــــــــــــــــة
من نشد هاك الوساع الخرس عن دنيا حــــــــــورها --وش جمع سحر الغموض بسودها والنرجسيــــــــــة
الوكاد اني بشط الكحل غنيت لبحرهـــــــــــــــــــــا --ماحلا هوسة هدبها والمساء والسامريــــــــــــــــــــة
من يعلم مستريح الريح عن فوضى شعـــــــــــــــرها--الحرير اللي كسى هاك المتون العســـــــــــــــــــــــجدية
علموة ان مازح الغرى ونشد عن قمــــــــــــــــــــــــرها --لايخاف ان شاف ظلما وشاف الشـــــــــــــــــــــمس حية

================================================== ==========================
سيف العشق

كيف أطفي الريح بثيابك وكيف اشعلك
كيف اتنثر على جمـرك وكيـف احتويك
نقضت ليل الحرير وجيت ماانت ل هلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى 00واهتديك
شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت 000واتهيّلك
واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك
ماتشوفني حي قدامك وانا امـوت فيك
اشتقت لك قبل اجيك وجيت واشتقت لك
البارحة طول ليلي بين هذي 00وذيـك
مليت جمـر انتظارك واستحيت أسألـك
واحسبتني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك

================================================== ==========================
!!! عزة النفس

ينجرح قلب.. لكن ترتفع هامه
والله اني لاموت ولا انحنى راسي
لو رماني زماني وسط..دوامه
العواصف شديده .. والجبل راسي
أنقل الحزن وامشي منتصب قامه
قاسي الوقت .. لكني بعد قاسي
واسمع الحلم يصرخ لحظه اعدامه
رابط الجاش ... ماهز الخبر باسي
عزتي غاليه ..والناس سوامه
قلت ماابيع حتى تقطع انفاسي
زانت ايام عمري .. شانت ايامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ينداسي
يندمل جرح القلبٍ ..ماتت احلامه
بس ما اظن يبرى جرح الاحساسي
يوم صارت مابين القلب والهامه
وش ابي بالحياة الياانحنى راسي

================================================== ============================
وسلامتكم وصح لسان شاعرنا الزعيم

الموضوع الأصلي: بعض من قصايد الشاعر مساعد الرشيدي | | الكاتب: مطلوب تغيير اسمه | | المصدر: شبكة بني عبس

[عبد العزيز]

صح لساااااااااااااااان الزعيم ابو فيصل

والله يعطيك العافيه على نقلها

[عمرالحربي]

-----------------------------تسلم ناصر
---------------------------------------------الله يعطيك العافية

[عبدالله المهيمزي]

	صح لساااااااااااااااان الزعيم ابو فيصل والله يعطيك العافيه على نقلها تقبل مروري

[ابو براك الرياض]

الله يعطيك العافيه
__________________

[ku-98]

يعطيك العافيه اخوى

[عبدالعزيز بن شري]

صح لساااااااااااااااان الزعيم ابو فيصل

والله يعطيك العافيه على نقلها

[عبسيه وافتخر]

صح السانك الزعيم ابوفيصل والله يوفيقك