[خالد البصمان]

عيد بن مربح القلادي

سر ياقلم واكتـب بـذوق ولباقـه
ورحب وهلل وخل للحبـر دوراق
رحب بخـط مبرزيـن الصداقـه
ماهي صداقة قوم ملحـق ولحـاق
لـون مالـك بالمشاكـل عـلاقـه
عيب ٍ لياهاش الخوي رفعت الساق
والبيت نفس البيت ستـرة رواقـه
ودك يصير البيت مستور بـرواق
وانا بلشت بيت صعـب الغماقـه
عجزت لاكشف مدخله بأي الاشناق
ياليت حامـد حـط للبيـت طاقـه
ان كان ريح عيد من عشرة اطياق
لالا ماظنـه يعتـرف بالعشـاقـه
لان المحبـة كلهـا هـم واقـلاق
درت بكـرا سريـعـن فـواقـه
دقيقتيـن وماتعـداهـن افــواق
الصبر جيش عداك يعـدم سباقـه
وبعد الظلام الشمس تبدا بالأشراق
يمكن عقيـد القـوم يلـغ اتفاقـه
ويرفع حضر منع التجول بالاسواق
يقوله اللي صبرت الوقـت ذاقـه
تطعم الحلتيت فـي مـر الأريـاق
تعلمـو فيـه اصدقـاه الحـلاقـه
مغرور غافل وانتبه عقـب مافـاق
اغتر في بعـض العلـوم الرقاقـه
لين راسه صنفره مـوس حـلاق
اللي صفقني كيف ابنسـا طراقـه
الله يلعن نوب تحسيـن الاخـلاق
ابعـد ليـااذاك الرفيـق بنفـاقـه
وشلون لو ماالله خلق بعد وفـراق

دمتم بود ولمنـ تحبونـ

الموضوع الأصلي: عيد بن مربح الرشيدي | | الكاتب: خالد البصمان | | المصدر: شبكة بني عبس

[عبدالباري عبدالعزيز]

صح لسان الشاعر الكبير عيد مربح، قصيده مشهورة
لك الشكر والتقدير اخي خالد البصمان

[صقر الحجاز]

صـــح لسآن ابوغريب


وتسلم يدين ناقلهآ

[خالد البصمان]

لاهنتوا على ردودكم العطره

كلي سعداة بمروركم .

[الجارح]

صـــح لسآن ابوغريب


وتسلم يدين ناقلهآ

[بحــ الخليج ــر]

صح لسان الشاعر العلم ابوغريب وكل الشكر يابو وليد على النقل المميز

[حــزام]

هذا الشعر وانا ولد ابوي
قصيده حفظتها من كثر ماقريتها صح لسان شاعر الخليج عيد بن مربح
وبيض الله وجهك اخوي خالد البصمان

[سعد الشقل]

صح اللسان ابو غريب

وقصيده مشهوره وهذي نقطه من بحر من روائع ابو غريب


ولاهنت على النقل المميز..//