[عبد المجيد الرشيدي]

السلام عليكم ورحمة الله وبركاته
مبارك عليك الشهر أعادة الله علينا وعليكم بالمسرات
حبيت أنقالكم هذه القصيدة والتى أحرفها خالية من النقط
راجيين من المولى عز وجل أن تنال على رضاكم
القصيدة للشاعر فاضل الغشم قيلت عام 1985
يقول فيها ،،،،
أول كلام الله علام الاسرار
العالم الأول على كل معهود
له السما مع الوطا وكل ماصار
وله الملا ركاع والكل مردود
الواحد المحمود للدور دوار
امره مطاع وكامل الصح حاصود
سلط عصى موسى على كل سحار
وأوصى المسامع كلها لحس داوود
درس المدرس للملا در محار
والدارس السامع له العلم ممهود
حلو الكلام لمسمع الكل هدار
حامل دروس وحللوكل مورود
وطعم العسل على السحل هد الامرار
كاس الحلى مع واله الطعم مردود
ولم السطور وسطرها وحطهاعار
على معد الطلح لاصار لاهود
دار الدهر لاهل الوطا وللعلا سار
دام المسامع مالها حكم رادود
المدح وارد للهوى مهو محدار
واحمل موده دوم لمسلهم السود
واهل الموده والهوى دوم سهار
الكل سارح ماعس الهم موعود
لولا الهوى مارح حلو الكرى وطار
ودمع المدامع والسهر ماله حدود
حوى وكاد سهوم سوده لها كار
والاسر صار لكامل الدل ماكود
ولد الملوح دمره حسم الاعمار
وللروح طالع سلم الهم صاعود
عصر الاحد مر المولع على الدار
سلم وعدى والامل صار مردود
دار الحوار ومد للروح مسمار
مسمار هم الدور للروح ممدود
صار الوداع وهل دمعه كاالامطار
كما المطر لاهل مع حس راعود
معصوم وحدود الموده لها اسوار
وسور الموده والهوى ماهو مهدود
وصلوا على المرسل عدد كل ما سار
على الرسول اعداد ماعد عادود

وسلامتكم

الموضوع الأصلي: قصيده بدون نقاط قديمه للشاعر فاضل الغشم قليت عام 1985 | | الكاتب: عبد المجيد الرشيدي | | المصدر: شبكة بني عبس

[أبو فايز العويمري]

صح السان الشاعر فاضل واشكرك جزيل الشكر على النقل الرائع

[**الرشيدي**]

بسم الله الرحمن الرحيم
مشكوووووووووووووووووووور على القصيده

[التانجو]

تسلم يمين قايلها تسلم يمين ناقلها

ويعطيك العافيه اخوي عبدالمجيد

وارجو منك الاستمرار على هالمنوال

ردود رائعه ومواضيع اروع

مشكور اخوي عبدالمجيد

[مرزوق العجوني]

صح لسان شاعرها ولا هنت على نقلها لنا

[عبادي حائل]

مشكوووووووووووووووووووور على القصيده

[بنت العبسي]

ماشاااااااااااء الله

شيء رائع جداً الله يحميك على نقلها ... وصح لسان قايلها

[!! هـيـبـة مـلـكـ !!]

صح لسان شاعرها وبيض الله وجه موصلها وتستاهل الطيب اخوي ......


وتقبلوا مروري؛؛؛