[سعــدعبدالعزيز]

السلام عليكم ورحمة الله وبركاته
أتمنى ان تكون بحسب ذائقه المتابعين هههههههههههه

أعوذ بالله من مقام الشك والدلو الزهيد = وأشركت بإيمان القلوب المستثيره للجدل
وعن هاجساً ماهويقديني على الدرب السديد= وعن طارق ٍ يطرق بلاخيرٍ بمزماروطبل
وعن كل حقاًَ من حقوق الغير في حيله وكيد= وعن كل هفوه من لسان وكل درب لزلل
وقد قيل قيلي لانشاور كل من يزهى جديد = واللي عيونه رايبه من حلو نومه والخبل
وايضا مساكين العرب قريب والامن يعيد = وإليا خذيت برايهم هملت من ضمن الهمل
ولاخير في اللي مايفيد ولابعد هويستفبد= من التجارب والمواقف والمعاني والجمل
ومن جدجد ومن زرع زرعه يبى يحصد حصيد= ومن سارت خطاه لعلالابد بعزومه يصل
بأسمعك من صحوة العقل.. بلسانك يالبليد= موجز تفاصيل ٍ عجزت ألقالها همزة وصل
خذها رؤوس اقلام لوالحبر من حبر الوريد = مغروسه يجوف الوريد اللي بصدره ماذبل
حتى المريد اللي براسه نشوةً يلقى مريد= يقريه في صدق الشعور إبلا شعور ٍ مبتذل
ماغاص ببحور الشعر الا معاه اكبر رصيد= ويجيه في كل الكواكب لوتبي كوكب زحل
ولاكل من دور عسل صافي لقاه بكل بيد = دون العسل لسع النحل وإشفاك من لسع النحل
ألا على طاري الرسايل وين بلقى لي يريد= يشيل معه أمانة ٍ ماشالها راس الجبل
وين أنت ؟ ياعصرالخلافه عصر هارون الرشيد= عصر أعتصام المؤمنين بحبل يانعم الحبل
لكن ياعبدي تريد ,,, وخالقك له مايريد = مابين حرفين الامر لله ماشاء وفعل
دورت وجهن للحقيقه بانعكسات الجليد = ولا لقيت الا خطوط الأستواء من الزعل
واللي تطوفه لويقول بليز ممكن لوتعيد= باقول له ويلكم اقين بت يور وينك من قبل
الله يصحينا عن الغفله وسكة هالحديد = والا يغيرنا بقومن خير قولن مع عمل
موتي قلوب ٍ تمتلي بأحقاد وأفراز وصديد= وعيشي قلوبٍ دون عزالدين ماترضى بدل

الموضوع الأصلي: الدلــــــــــــوالزهـــــيد | | الكاتب: سعــدعبدالعزيز | | المصدر: شبكة بني عبس

[كاسب المرجلة]

صح لسانك ابصملك بالعشره
اخوك كاسب المرجله:p;)

[سعــدعبدالعزيز]

اشهدشهاده حق ماقولها زور==== ولانى مجامل معك وان انت شاعر

صح لسانك يالشاعر سعدعبدالعزيز[/QUOTE]
شهادتك لي انما هي فخر واعتزاز وبدون مجامله انت موهبه صعبه قل مانجدها في زمان الثرثره
وكل عام وانت بخير....
مرورك بحد ذاته مكسب

[سعــدعبدالعزيز]

اقتباس من مشاركة كاسب المرجلة صح لسانك ابصملك بالعشره اخوك كاسب المرجله:p;)

هههههههههه بس على الله نبي تصويت بشاعر المليون هههههههههه
حياك وبياك اخي كاسب المرجله

هذه رساله والخوف من ان يقال لي ان اجامل
انت شاعر لايغني من فراغ انما من خلال التجربه
نريد ان تنور منتداك ببعض قصائدك دون ان تبخل علينا
ومروك مما يسعدني

[مسندالعويمري]

سعد عبدالعزيز

صح السانك انت شاعر في درجة دبلماسي

ولاكل من دور عسل صافي لقـاه بكـل بيـد

دون العسل لسع النحل وإشفاك من لسع النحـل

[سعــدعبدالعزيز]

مرورك يشرفني وتصنيفك لي محسوب
أخي مسند انما انا متذوق للشعر واكتبه فلست متمكن ألى الان من الدبلوماسيه
كيف وانا لم اتمكن بعد من وزن القصيده وكتابتها بالشكل المطلوب ههههههههه
إشادتك أخي مسند محل تقدير واهتمام :::::::::: واتمنى ان اعجبتك قصايدي .

[مرزوق العجوني]

اخوي سعد صح لسانك مليون على الرائعه ولا هنت وتقبل مروري

[سعــدعبدالعزيز]

اقتباس من مشاركة مرزوق العجوني اخوي سعد صح لسانك مليون على الرائعه ولا هنت وتقبل مروري

صح بدنك وحياك وبياك