[سعد الشقل]

السلام عليكم

انقل لكم ايها الاخوه العزاء

محاوره اقيمه 17/5/2006 في الكويت

وكان الشعراء المتواجدين

ثنيان سرور ... مستور العصيمي...محمد الردعان

انقل لكم طاروق ثنيان ومستور العصيمي

ثنيان

نبي صف ونبي طاروق من سمعه لونه عود=يهز الراس ويغني لون الرجل مقطوعه
يامستور العصيمي ماتموت النار والبارود=مع اللي لاضواه الليل ماكوع على كوعه

مستور

اجيلك يامدورني وانا بالملعبه ماجود=صحيح الذيب ياثنيان مايمرح على جوعه
عسا الله يحفظ النوارالكويت ويحفظ ابن اسعود=تجيب الوحده وتجيك مثنيه ومربوعه

ثنيان

سبركم ذيبن اشهب يابدو يهل الغنم والذود=وراح الذيب سالم ونتم الروعه وراء الروعه
انا بيني وبينك سالفه فيها خبر ماكود=وخايف لاتعود هرجتن ماهي بمتبوعه

مستور

ترانا حول بيت الله لاحاسد ولا محسود=توثق في حبال الله ماهي عنك مقطوعه
ليامنك لزمت اخطامها للدرب قدها قود=ترا حولك بلاد الله بلالغام مزروعه

ثنيان

عليكم عد رشراش المطر رد البرا مردود=يهل هاك السيوف البيض وهل الحرب ودروعه
على عز ومعزه مانمشيها على منقود=وعلى اللالغام قمبلتن من احسن صنع مصنوعه

مستور

ترا ءذولاك ناسن يخلطون البيض فوق السود=لكن كلمتك وجها لبو بدله وقبوعه
لياضميت نوردهاعلى عد الرواء المارود=وانا من دون مشروعي وكلن دون مشروعه

ثنيان

لياجاك المطر ذر البيوت ولا تشب العود=تراء الما يدخل ايا رقعتن بالبيت مرقوعه
من الصجه من التطبيل كلن خاطره ملهود=وظن الناس فوق الارض نفاعه ومنفوعه

مستور

تحاول ماتحاول ماتعداء يومك الماعود =وحط العلم ياثنيان بين القلب وظلوعه
ابي ماعنك لارد الخبر ناشد ولا منشود=تحط السم في وسط العسل وتروح مطبوعه

ثنيان

انا خايف بعد ساعه تواجه قبرك الملحود=وسواليف اهل الدنيا مع الاموات ممنوعه
تحسبني سواة اربيعك اللي حبلهم معقود=انا راسي رفعته فوق والاعلام مرفوعه

الموضوع الأصلي: ثنيان سرور× مستور العصيمي | | الكاتب: سعد الشقل | | المصدر: شبكة بني عبس

[سعد الفلاح]

يعطيك العافيه أخوي سعد الشقل وتسلم يمينك على النقل وصح اللسنت الشعار ولاهانو ولاهنتم

[سعد الشقل]

هلا ومرحبا بالاخ العزيز../ سعد الفلاح

الله يعافيكـ

شاكر لك مرورك الكريم ..//

[كاسب المرجلة]

لاهنت اخوي سعد الشقل على هذا النقل الرائع
وصح لسان شعارها

احترامي

كاسب المرجلة

[سعد الشقل]

حياك الله يا كاسب

شاكر لك مرورك الكريم

[الجحش]

سعد الشقل بيض الله وجهك على هالمحاوره الجزله
وتقبل تحية اخوك الجحش

[سعد الشقل]

وجهك ابيض يا عميد الشعراء

شاكر لك مرورك الرائع

[عبدالعزيز-الشقل]

شمكوور اخوي سعد عالمحاوره الناريه