[خليف الوهيداني]

اقدم القصيده وهي كانت لها مناسبه

بس اترك مناسبتها واستنهز الفرصه بها لانه يوجد بوسط القصيده لغز
لذلك اضعها وأضع معها ثلاث بطاقات شحن سوا جائزة لمن يحل اللغز
ومطلوب حله بمجارات قصائد من الشعار والشاعرات.

وتسليم الجائزه من قبل الإدارة

ولكم احترامي

الناقد اللي مانقد نفسه قبـل نقـد البشـر=هذاك ناقد ماعرف للنقـد وعلومـه خبـال
ود الخبر للناقد اللي ماحسب بعـد السفـر=مدري خبل ولا ضعيف عقل ولا ابن حـلال
بعطيك لغز(ن)وانتبه والجيب فكس آر وهمر=وش الذلول اللي بامبركه يحضرون الرجال
اللي تشاهد قبل لا تبرك على بعـد النظـر=وخيالها اللي مايخاف الحرب لاثار القتـال
في بطنها تاكل من العالم ولاجاهـم خطـر=وليا كلتهم حولوا من بطنها يمين وشمال
والليل فيه النجم ساطع بالسماء ويضا القمر=وسبحان من خلا القمر يغيب ويعّود هـلال
سبحان من في قدرته بره تساوى مع البحـر=ولاسال مثل السيل يوم انه يسيل مع الدحال
ومنه المزون تكون منه ابخار وتشيل المطر=منه هماج تكون وتحول قراح(ن)بالسهـال
مَقبل حلول اللغز بالهرجه ابا الحـل بشعـر=هذي شروط اللغز مابه عقبها مـره مجـال
والنار خطره ياطويل العمر لو صارت جمر=والشمس عنها مايذر الا المكيف والظـلال
وابا اسألك كم المسافه بين جـده والخُبـر=وبعده مسافه ثانيه والعمر قافيـه الـزوال
عطنا المسافه كم من نجران لا وسط الحفر=عرفتها والا انشد السواق عبـدالله اقبـال
من مايحسب غلطته لا غلط مافـاد العـذر=اللغز حله و المسافه جيبهـا وبـلا جـدال

الموضوع الأصلي: بعطيك لغز(ن)وانتبه والجيب فكس آر وهمر | | الكاتب: خليف الوهيداني | | المصدر: شبكة بني عبس

[أنكسارحلم]

الشاعر الكبير خليف الوهيداني
صح السانك على هذه القصيده الرائعه
وان شاء الله لي عوده بحل الغز لكن ترى جوالي عام
مافيه تسديد فواتير ههههههههههههههه

[خلف العايضي]

صح السانك يابن خزيم على هذه الرائعه


وسنحاول حل اللغز بأذن الله . . .


مانتعامل مع سوا ياخليف عام وانا اخوك والرزق على الله . .

الله يعينك على تسديد الفاتوره . . . نبي نعصر المخ لين يجيب الحل

[عايض بن صالح]

الله يعطيك العافيه على اللغز والقصيده

وجوالي عام يابو خلف

تحيه

[مسندالعويمري]

صح السانك يابن خزيم على هذه الرائعه


ماقصرت على الجوايز التشجيعيه

[مرزوق العجوني]

صح لسانك يبن خزيم على الرائعه

[خليف الوهيداني]

اقتباس من مشاركة ناصر الشويلعي الشاعر الكبير خليف الوهيداني صح السانك على هذه القصيده الرائعه وان شاء الله لي عوده بحل الغز لكن ترى جوالي عام مافيه تسديد فواتير ههههههههههههههه

صح بدنك

ومرورك شرفني ياناصر


لاهنت

وكل عام وانت بخير

لك احترامي

[ابن الشيوووخ]

صح السانك يابن خزيم على هذه الرائعه


ماقصرت على الجوايز التشجيعيه