[عيد بن عبيد]

يطيب لي ان اقل لكم احداث محاوره شعريه اقيمت بمناسبة زواج الاخ فهد بن نشمي بن محمد الرشيدي بقرية الوسعه ليلة الجمعه الماضيه 25/10/1427 هـ وكانت ليله يميزها الحضور ويعطرها شعرائها واقيم على ضوء هذه المناسبه امسية شعريه قدمها كل من
الشاعر بادي مرزوق والشاعر عبدالله سكات والشاعر محمد معيوف ..
وبعد ذلك بدأت المحاوره الشعريه
والتي شارك فيها الشاعر دليل مرزوق والشاعر محمد معيوف والشاعر سعود البريقعي
وكانت البدايه لشاعرنا الفذ سيف المدينه ( سالم معزي)

سالم معزي

الا يا مرحيا عد وبلٍ ينتثر ماه=نقوله عنك يا شيخ نشمي بنيابه
وترى الطيب تدور السنين ولا نسيناه=ومن يبغى يغني معي يا مرحبابه

دليل مرزوق

و الا يا مرحبا واللعب ينعش بمبداه=على حفل النمر والذي حضره ذيابه
حضور الكل غايه وحنا نطلب رضاه=على طيب ومعزه مدام انُ قرابه

سالم معزي

دليل العام بالوادي الممطور جيناه=لكن الليله الحظ يالاصحاب جابه
انا ودي تطل السحاب ولا تعداه=لكن المشكله العيب تاصل لسحابه

دليل مرزوق

ترى هذا الولد يا الربع ضايع بمسراه=سؤاله مختلف والخطا ضمن الاجابه
تعدينا المزن علمنا ثابت بمعنا ه=على طيارة وانت من ضمن العصابه

سالم معزي

انا ما ضعت حسب الكلام اللي سمعناه=طلبتك قبل لا ازعل عليك تصك بابه
ادور صاحبي بالمطار ولا لقيناه=نشدت الكبتن اللي يقول ولا درابه

دليل مرزوق

ياسالم انت لا تصير مثا امقيط ورشاه=تدلا امقيط لكن حبله في هضابه
سال الكبتن اللي ترانا ما عرفناه=لكن الكبتن اصبح على بيته رقابه

سالم معزي

امقيط اللي تقولون ما اسوي سواياه=انا رجال الي مع هل الديره مهابه

تغيير

سعود البريقعي

الا يا محمد قالو انه طلع لك صيت=يقولون رجال وبعيد المسيره

محمد معيوف

الا مرحبا يا ضيف حييب حييبت=وانا اشوف ضيف الربع يشعب بعيره
توقع ترى دربك ملغم دناميت=وبرود الليالي يا خويي خطيره

سعود البريقعي

لعل البقى والنار من عود كبريت=لعلك تعرف الوارده والصديره
ما عندك مشاكل رحت والا بعد جيت=لكنك تحطون الكبيره صغيره

محمد معيوف

عسى في ديركم يطلع الخام والزيت=ويلقى بها الجمال حبة شعيره
انا ما علي خلاف لا تطفي الليت=وبدال الصغيره تحتمل للكبيره

سعود البريقعي

اظنك تدور لك صبره وحلتيت=وهذي علومن يا عميلي خطيره
ابا انشدك يم اهل البحر ويش سويت=لا منه يطير الطير ياصل مطيره

محمد معيوف

اثر صاحبي عطار ويوزع فليت=و يا رحمت الله فوق سيرة منيره
انا ادرس الاجيال واليوم حليت=وابدرس القاضي وبلغ مديره

سعود البريقعي

انا شايفك رجال مالك تواليت= لكن الجمل لا يخوفك في هديره
ترى ما درينا يالولد وش تمنيت=لعلك تصير مع اولين المغيره

تغيير

محمد معيوف

يا صفوف اللعب سالم ناوي اللي فيه نيه=انتهى دوره ابا احوله من ظهر الشدادي
طامعن بالورث لكن ما يمشيها عليه=مع ليال الصيف والا مع ذعاذيع البرادي

سالم معزي

يا صفوف اللعب من هرجة محمد ما عليه=الشداد اللي يبي بينه وبينه كم وادي
ليش امشيها عليك ومنك ما جتني خطيه=استمع للي نقوله زين يا غاية فؤادي

محمد معيوف

لا تروح بعيد ياسالم ترى الذمه بريه=ولا تحرث الجمر لامنه خمد تحت الرمادي
كانت السفن القديمه والرياح الموسميه=بينهن عهدن موثق وادر يا غاية مرادي

سالم معزي

انت كبرت القضيه ثم صغرت القضيه=نوب اقول انك مع اصحابك ونوب اقول غادي
يا هل الوسعه محمدعندكم ما فيه زيه=يوم يكتب بالبياض ويوم يكتب بسوادي

محمد معيوف

ماشين في درب واحد بالحروف الابجديه=يا السبيعي لا تضايق يوم قاصرك المهادي
في وعيره سالم معزي يعادله بليه=نوب مع درب طمان ونوب مع درب سنادي

سالم معزي

الخوي اللي يشك ليا تكلم مع خويه=لا نوصلها الكلام ولا يناديها المنادي
دايم ليا قمت راعي واجبه راعي حميه=يشهد الله في سماه وشاهده كل العبادي

محمد معيوف

اولتها معركه بس اختتمها بالتحيه=ان زعل سالم زعل عبدالله وصارت عنادي

وكانت هذي النقله الاولي لي لاحداث محاوره شعريه اتمنى ان اكون قد نلت على استحسانكم وتقبلو خالص التحيه
صوره جماعيه

الموضوع الأصلي: خبر عاجل سالم معزي بالوسعه | | الكاتب: عيد بن عبيد | | المصدر: شبكة بني عبس

[الاجهر]

او تهانينا الاخ / فهد بن نشمي بن محمد الرشيدي ونتمنى له حياه زوجية وعقبال الرفاه والبنين

ومناسبة روعة يحضرها كلا من :.
الشاعر بادي مرزوق.. والشاعر عبدالله سكات .. والشاعر محمد معيوف .. والشاعرسعود البريقعي ..
والشاعر سيف المدينه ( سالم معزي)

الاخ / عيد نقدم لك شكرنا وتقديرنا
تحياتي لك

[أنكسارحلم]

الاخ عيد عبيد

اشكرك جزيل الشكر على نقل هذه المحاوره
الرائعه مع شعراء معروفين ويمتلكون الخبره الكافيه

في انقض والفتل..والشاعر( سيف عبس) سالم معزي مدرسه شعريه
وهو شاعر معنا.وله مكانه بين شعراء المحاوره على مستوى الخليج

على العموم اكرر شكري مره ثانيه لشخصك الكريم


تحياتي

[بشيرالشويلعي]

مشرفنا العزيز عيد

تحية ملؤها الحب لشخصك الكريم ، مبدع ورائع تنسيقاً واخراجاً ، ومسك الختام صَور الفرسان الذين حرصوا على ألا تخلو الصورة الجماعية من زملنا والعضو النشط صوت البدر 0

الف مبروك للأخ فهد وبالرفا والبنون 0

[النجم]

الف مبروك للعريس ومشكور عيد على هذا الطرح الجميل ولكن القصائد غير طالعه لدي هل يوجد قصائد ام لا

[صالح سعود]

او تهانينا الاخ / فهد بن نشمي بن محمد الرشيدي ونتمنى له حياه زوجية وعقبال الرفاه والبنين


وشكرا لك عى اخي عيد

على نقل هذه المحاوره الجميلة


تقبل تقديري الخالص

[عبدالعزيز الخياري]

عيد بن عبيد

أشكرك جزيل الشكر على هذا النقل لحفل فهد بن نشمي والاخبار الساره عن الحفل...

ونقل المحاوره لشعراؤنا المبدعين فهم من خيرة الشعراء...

كما اتمنى التوفيق لشاعرنا الصاعد والرائع محمد بن معيوف...

تقبل تحياتي وتقديري لشخصك الكريم

[عيد بن عبيد]

هلا اخواني
صالح سعود
عبدالعزيز الخياري

شكرا على الاطراء
ومروركم على مواضيعي يسعدني
وامل ان اكون قد نقلت احداث المحاوره بشكل واضح

مع التحية