[عبدلعزيزالرشيدي]

	قصيدة الشاعر / عواض في ابنه فيصل

فيصل انا جوي ماهو جو هاالناس=جوي غريب وسكرته داخليه
فيصل انا يابوك بالحيل حساس=واحيان احس اني ماني شويه
يهب شعري كل ماهب نسناس=محلاهبوباً جابة الشعرليه
نثر بيوتاًلونها فوق قرطاس=ابيوت لون احروفها جاذبيه
اشوف وسط احروفها قمة احساس=صدر الورق بحورفهاوهنيه
تشبه بريق الفض والول والماس=تشبه ذهب من فوق صدر لبنيه
وليا بنيت الشعر ابني على ساس=شهري قوي الساس وارضه قويه
اسمع يافيصل وافتخر وارفع الراس=وافتخر بشعري واستمع للوصيه
اسمع ترى هاالوقتماعاد ينقاس=رحلة عمر واحسب احساب المنيه
ايام لاجارت تعيشك وسواس=وليا صفت تسقيك شربه هنيه
واليا قست تسقيك من مرها كاس=طبع الليالي هاكذاشقلبيه
اخذ الامل بالله لاياخذك باس=من رحمة المعبود رب البريه
واسمع تري فالناس يافيصل اجناس=الناس فيهم فرق ماهم سويه
ناساً تطيب وطيبها ماله اقياس=وناساً تخيب وتفتخر فالرديه
والطيب لهل الطيب يابوك نوماس=والطيب تاج المرجله والحميه
احذر عنه يابوك ياخذك هوجاس=ولاتقول الناس تضحك عليه
ولا الردي ماله عزيمه ولاباس=مسكين ضايع بين هذي وذيه
وجو الردي احذر تعيشه وتنحاس=واحذروليداللاش تصبح خويه

	الشاعر: عـواض بـهـلان الرشيدي

الموضوع الأصلي: الشاعر عواض بهلان الرشيدي | | الكاتب: عبدلعزيزالرشيدي | | المصدر: شبكة بني عبس

[مسندالعويمري]

مشكور عبد العزيز على نقل القصيده لشاعر المعروف عواض بهلان الرشيدي


وله امسيات ومشاركات جميله

[سعد البويدي]

عبدالعزيز الرشيدي

صح لسان الشاعر المعروف عواض بهلان الرشيدي

مشكورعلى نقل هذي القصيده الجزله


وتحياتي

[عواض بن بهلان]

السلام عليكم ورحمة الله وبركاته

اخي عبدالعزيز بصراحه مهما

كتبة من الكلام واشكر و العرفان
لا يوفي في حقك
ويدل على وفاك تنزيل شعري
في استمرار
وفعلاً تستاهل كلمة شكراً

عواض ابن بهلان