[السبع الضاري]

محاورة بين الشاعر ابن وائل الطاحون والسبع الضاري
الطاحون

سلام الله سلام الوايلي والوايلـي معـروف= يعرفونه قبايل نجد واللـي تسكـن الحـره
ابي شاعر يقابلني على معنى ماهو مكشوف= ترا خيره لكم وان زاد شره يذبحـه شـره

السبع الضاري

هلا يامرحبابك ياصحيب العمدة ومعيوف= نعرفك بالمواطي لو تدم بثوبك الجره
أنا سبع الفلا وأقابلك تسعى معي وتطوف= وخير الوايلي قالو عذاب وعيشةٍ مره

الطاحون

انا صحيب الرجال اهل المعرفه وانت ياملقوف= لاتحرجنا على بعض الدواء في عينك انـذره
ياسبع الحره الطرماء علامك بس قمت تسوف= على ماقالت الامثال خـذ فـي حرتـك فـره

السبع الضاري

أنا أبا علّقك بأهل المعرفة وأنت جاك الخوف= جفل قلبك بعد ماشفتني لمحه على غره
سباع الحرة الطرماء تعذب في سباع الجوف= تشهد كان جاك الموت مثل محمد الدره

الطاحون

انا راع الشداد المعتبر والا انـت راع ردوف= يا راع الصره اللي علتك في داخـل الصـره
اسباع الحره الطرماء عمي وعيونها ماتشوف= لقينا ادميها تنزف من الركبـه الـى السـره

السبع الضاري

تقوله وأنت يالطاحون من هاك السنه معسوف= سبيبك منطلق وخطامك المجدول تجتره
مالومك لو تهل الدمع وتحسب القمر مكسوف= يموت العير الاخضر والهوادي فيه مخضرّه

الطاحون

عصفت العام فيكم مثل قشع ٍ يعصفه عاصوف= وضاق الكون فيكـم يارشيـدي بحـره وبـره
على فرقا جحشكم هلت ادموعك وجتك احسوف= وانا ماني جحش ياهل الجحش يااكالت المـره

السبع الضاري

أعرف إنك خذيت اللي عطوك أحمر خضاب أكفوف= عفى الله عن شجاعٍ زر ثوبك وأنت ماتزره
جحشنا شرب من شاقي رغد يوم السباع اتحوف= تشوفه في عيونك مار مالك قدره أتمره

الطاحون

ترى حنا حمول الخيل والنـا رمـاح والنـا سيـوف= اخذنـا راس شيخـك وانـت ثوبـك فوقـه تـقـره
جحشكم فوقكـم يصهـل يبـا منكـم دفـى ودفـوف= فضحكم بين خلق الله عيونه فيك محمره هههههههههه

السبع الضاري

ترانا عبس حنا بالجزيرة فعلنا معروف= ربطنا شيخك اللي تحسب إنه عالم الذره
توطاك الجحش كانك ماتدري ياطويل الصوف= تذكر وش عطاك من السوالف مره ومره

الموضوع الأصلي: تشهد كان جاك الموت مثل محمد الدره | | الكاتب: السبع الضاري | | المصدر: شبكة بني عبس

[ابو عبدالعزيز]

شكرا لكم جميعا على ماقدمتوه لنا من محاوره في غاية الروعه ولاكن شعللوها .;););):p:p:p:p:p:p

[سعد الفلاح]

صح اللسانك أخوي السبع الضاري وصح اللسان الطاحون وأسمحلي بنقلها ألى مكانها الصحيح المحاورات المنسقه