[ماجد الذيابي]

من يقول الذوق منك ماسرق أجمل صفاته

..........ومن يقول الورد منك ماسرق لونه وعبيره

يابخت طفل يبوسك ماحسدت الا شفاته

...........والحقيقه ماحسدته كل مافي الأمر غيره

في ليالي البرد آه ياحظ من صرت عباته

.......ياحظ من صرت هواه وياحظ من صرت مصيره

شخص مثلي وش يسوي غير يكتب امنياته

..........يرسمك في كل صفحه ويحرق الصفحه الأخيره

ويتمنى بس يلقى شخص مثلك في حياته

..........في زمن ماصرت القى شخص فاهم أستشيره

تشـــبه الليـل يمكن في هدوءه فــي سكاته

..............بس فيك من النهار الصدق وأشياء كثيره

تشبه الطيب آسف قصدي أنت الطيب ذاته

.............ليت مثلك بس واحد بانشره في كل ديره

الموضوع الأصلي: يابخـــت طفل يبوسك ماحسدت الاشفاتة .... | | الكاتب: ماجد الذيابي | | المصدر: شبكة بني عبس

[مرزوق العجوني]

صح لسانك اخوي ماجد على الرائعه ولا هنت

[سعد بن عادي]

أخوي ماجد احسنت الاختيار با الفعل روعه القصيده

وياليت تذكر قائل القصيده او تكتب منقوله


وجديدك نحن في انتظاره


دمتم كما تحبون

[سعد البويدي]

اخوي ماجد عوض الذيابي

صح لسانك على القصيده الرائعه ولا هنت

[فهد المويسه]

قصيده رائعه وصح لسان شاعرها

وتقبل سلامي