[ابوفهد العويمري]

الشاعر فهد بن صليبيخ يصف حالة نجد قبل قيام الدوله السعوديه

يانجد من سماك نجد(ن)غوا اسماك=هو ليه ماسماك بأم البلاوي
عسى الذي سوى رسومك وسواك=يرسل عليك من المياهيف هاوي
ابي اليا من الطريقي تمثناك=يمسي على تالي ارسومك خلاوي
بس الطيور وناعي البوم ينعاك=والذيب من قل الأزاويل عاوي
يانجد والله ماتسوى سواياك=نفسك علينا مثل نفس المهاوي
جيل(ن)تجلينه وجيل(ن)تبلاك=وجيل(ن)تكوينه بحمر المكاوي
واللي وطاه العسر واجزل بفرقاك=داج الديار وصار دنع دناوي
ياخذ ويدله تالي العمر ينساك=وتشيب عين اللي لعزك رجاوي
يوم(ن)ابن مقرن بسيفه تولاك=خلا سنامك مع الردوف امتساوي
ركب عليك وطوعك لين خلاك=اطوع من النظوا ذلول اللحاوي

الموضوع الأصلي: صورة نجد قبل الحكم السعودي | | الكاتب: ابوفهد العويمري | | المصدر: شبكة بني عبس

[ابو عبدالعزيز]

شكراً لك اخي الكريم

[مسندالعويمري]

صح لسانك وصح السان صاحب القصيده

[*العبسي*]

يوم(ن)ابن مقرن بسيفـه تـولاك=خلا سنامك مع الردوف امتسـاوي
ركب عليك وطوعك ليـن خـلاك=اطوع من النظوا ذلـول اللحـاوي

[سعد البويدي]

ابوفهدالعويمري

مشكوعلى النقل وصح لسان الشاعر فهد بن صليبيخ

ولاهنت

وتحياتي

[ابوفهد العويمري]

[ابوطافش]

تحياتي لكم
علي النقل

[الـشـقـاوي]

صح لسانك


خيووووووووووو