[فواز الدواي]

السلام عليكم اعضاء هذا الصرح الشامخ إن الإنسان يمر بتجارب من خلال عمره ويكون كثير من العلاقات الشخصية
بعضها يستمر وبعضها ينصدم فيه الإنسان عندما يتفاجئ بإنقلاب الشخصية الذي يحب عكس منظوره ولكم القصيده






غيرك لقى حبـي وأنـا التقيتـه
انا التقيتـه بالهـوى والتقانـي
وعز الله اني من ضميري هويته
وهو ضميره يمكن اكثر هوانـي
ولا انت حبك ماذكرتـه نسيتـه
نسيت حبك لانه اللـي نسانـي
اخذت حبـك باليميـن ورميتـه
ارميه ياما فـي يمينـه رمانـي
من مابغانـي بالهـوي مابغيتـه
شرواك ماحبه ولـو ان بغانـي
(القلب شهم) وبالمفارق نخيتـه
قال ابشر ولبيـه يامـن نخانـي
لبيت ياقلبـي اطلبـي لا نفيتـه
وطردت حبـه مالقالـه مكانـي
ماهو كفو يامـا ويامـا عطيتـه
ماقال ابعطي قبله اللي عطانـي
بخصت طبعه مرتفع حيل صيته ؟
كريم حـده بكـل دربـن انانـي
لوك جبل عالي برجلـي رقيتـه
ماهاب من طوله ياكود الجبانـي
اخذ الجزى يوم المعانـد نويتـه
والله ليبطي كل راسـن نوانـي
عزمت في رايي ودربي مشيتـه
والخيل ماتقوي دماغ الحصانـي
سيف الكرامة والمعـزة شريتـه
من صغر سني ماعطيته اخواني
وبشت الصراحة لابسه ماهديتـه
مايلبسـه الا طويـل اليمـانـي
رح لا تحسبنك خفوقـي صليتـه
كم واهجن قبلك طفى ماصلانـي
الصقر صدته لكن انـك شويتـه
مرن لياذقتـه بطعـم اللسانـي

الموضوع الأصلي: % سيف الـــكرامه % | | الكاتب: فواز الدواي | | المصدر: شبكة بني عبس

[مسندالعويمري]

صح لسانك يا فوازالدواي


قصيدهـ جزله وفي غاية الروعه

بيض الله وجهك وصح لسانك


ومزيدا من التألق والابداع

[فواز الدواي]

اقتباس من مشاركة مسندالعويمري صح لسانك يا فوازالدواي قصيدهـ جزله وفي غاية الروعه بيض الله وجهك وصح لسانك ومزيدا من التألق والابداع

كم يسعدني مرورك

[نــواف العويمري]

صح لسانك يا فوازالدواي


قصيدهـ جزله وفي غاية الروعه

يعطيك العافيه ياراعي العوجا

احترامي وتقديري

[فواز الدواي]

صح بدنك طال عمرك

وتسلم على المرور

[بنت العبسي]

:p

صح لسانك اخوي والف شكر على منحك لنا تلك الفرصة الجميلة

لقراءة روائعك التي تروق لمن يقرأها من روعة كلماتها العذبة

سلم الله تلك اليدين وذلك الاحساس

[فواز الدواي]

بنت العبسي تسلمين
وهذا من ذوقج

[فهد المويسه]

قصيده رائعه وصح لسانك يا بومحمد

وتقبل سلامي