[عبدالرحمن عديهان]

موااااااال بين الشاعر نواف العازمي وناصرمرسال

0 ناصرمرسال

جابنا مشعل ولد فايد ولد لافي وجده صامل= من رجالٍ شيّدو بالعز بيتٍ مادخله الهامل
والمواقف ماتبا حبت خشم ومداهنه ومجامل= والعصى لمن عصى واسلم يراس العاصي
الكريم الي جمعنا في محلّه= ماوصلته غيرله حقٍ عليه
الكويتي بالسعوديه تراء ماهوغريبٍ شوفه=العلاقه بيننا من خلقت الدنيا وهي معروفه
واليهود يخططون وكل واحد خطته مكشوفه=والعصى00000000000000
قوم حل الحبل وإلاّ لاتحلّه= انت ضيف ولك مقام ومقدريه

نواف العازمي

صاحبي ناصريغني باللحون الطيبه من طيبه= والزمان صعيب والعيشه غدت مثل الزمان صعيبه
والفخر والعز للي له مقام وله وجاه وهيبه= والعصى لمن عصى واسلم يراس العاصي
انت ياناصرتشيل الحمل كله=في شمال الارض وبنجد العذيه
والله اني معك للعب بإي لحنٍ تلعبه ياشاطر=والعلوم الثانيه مالي بها نظره ولالي خاطر
ميرماودي تصوم الناس شهر الصوم وانته فاطر=والعصى لمن عصى------
صورتك صارت على غلاف المجله=والمجله ليّةٍ من فوق ليّه

ناصر

ناصرالمرسال غنا وانت تسمع يوم غنا غنا= جاك بعلومٍ على اعلى مستوى منا ولاهي منا
وعرف ان البن بدلال الرجال مسعّرين البنا= والعصى لمن عصى ------
خل ناصرمن كلام الزورخلّه= ماتشيل الحمل ياغيرالمطيه
ادري انك شاعرٍ مثل العلم في عالي المشرافي=ميرمابيني وبينك معرفه يالعازمي نوافي
والكلام اللي سمعته من لساني يمكن انه كافي= والعصى ------------
صاحبك ضرسٍ قويٍّ ماتشلّه= وعرف ان الظرس اخيرمن الثنيه

نواف

انت ياناصرولدمرسال لونرسلك للغربيه= كان ضيّعت القلم والحبر هو وضروفه الشخصيه
وانت رحت وجيت لكن يمكن الروحات غير الجيه= والعصى ---------
علّنا شارون جعل الله يعلّه= في لغه عبريّتٍ ماهي بريه
يالله انك لاتواخذنا ليامنا نسينا شئ ولا اخطينا= ون خطينا والله انا بالخطا مبطينا
والسباحه فالبحر لحمر وشاطيها ماهو شاطينا والعصى --------
الشهور الي تبينها الاهله= غيرشهر كتوبرالي ماش زيه

ناصر

انت ماعلمتني وش صار لك ياراعي الجنبيه= يوم جمّعكم نبيل شعيل قبل العام فالشرقيه
ماذبحت الداب الاعمى ماذبحت العقرب ولا الحيه= والعصى --------
كان ماحصلت لك سيفٍ تسلّه= لاتخوض المعركه والنار حيّه

الولد نواف هذا صايرٍ تال الزمان إرهابي= قبل مدّه مختطف له من محطات إتربه قلابي
ومن خطف قلاب بكره يختطف له طائرة ركابي=والعصى -----------
مالقيت الي شكا من غير علّه= وانت حول الصيدلي والصيدليه

[/poem]

نواف

انت شايف لك عرب في شارع الكرنيش ماهو حنا= والجنون فنون يارجال كلٍ له سلوب وفنا
وانت معجب في نبيل شعيل شبع السندويس وغنا= والعصى--------
لو نبيل شعيل تمشي معه شلّه=ماتخوفنا اللحون السامريه

وسلامتكم جميعا

اخوكم عبدالرحمن

الموضوع الأصلي: موااااال ـ نواف العازمي+ ناصرمرسال | | الكاتب: عبدالرحمن عديهان | | المصدر: شبكة بني عبس

[سعد الفلاح]

يعطيك العافيه أخوي عبدالرحمن عديهان وصح اللسنت الشعار شعراء غنين عن التعريف وتسلم يمينك وننتظر ماهو جديدك ولاهنت يلغالي

[عبدالرحمن عديهان]

ماتهون ياسعد الفلاح تشرفت في مرورك الله يعافيك وانشاء الله لنا مشاركات قريبه

[بنت العبسي]

ماشااء الله لاقوة الا بالله

صحت السنتهم والله يعطيك العافية على مانقلت لنا

من عذوبة الكلمة والمعاني الراائعة


:p

[معيوف ابن زهيميل]

مشكور ياعبد الرحمن على النقل
محاورة قوية بين شاعرين كبيرين

[ابو بيان]

بيض الله وجهك يابو عديهان على نقل المحاوره الرائعه وتقبل تحياتي اخوك ابو بيان

[مسندالعويمري]

بيض الله وجهك يابو عديهان على نقل المحاوره الرائعه

[بركه الداموكي]

بيض الله وجهك يابو عديهان