[سلطان العايضي]

دلال المواجع
شعر: قـديم الشـوق

للعيون سحرها ومفعولها.. فهي قادرة ومن (نظرة) أن تدفعنا إلى نسيان الخطأ..قديم الشوق شاعر جاء ليتقهوى هنا (دلال المواجع) فنجان.. فنجان..و ينسى قسوة السنين ..

تناسيت الخطا لجل العـــيون اللي ملاها الشوق=ومســـحت الزلـة بوجـه الجــروح وقلت بيحيني
وخاصمت الخفوق اللـــي بليته بالخـــطا والعوق=لجل همي لجل حزني لجل جرحي لجل عـيني
ومسحت الجرح باطـــراف البنان وقلت خلك فـوق=دخيلك لا تهـــــزك ياخويـــــــي قســـوة سنيني
تحملت الخطا يـوم الخطـــا ســـــاقه ظليل الموق=تحملتـه لجل رمعـــة عيونــــي ورعشـــة يديني
حبيبي والخطا سيـــف ٍ لـــه بجــــال الخفوق بروق=على حده تســاوى يالعطيـــب الزيــــن والشيني
تمهل واســحب جيوش الخطـــا ياصاحبي برفوق=واذا لك في الخطا نيـــه ترى اللي فات يكفيني
حبيبي لو سمحت ارجع ووقـــف عند حد الذوق=تمهل قبل تطرحنـــي ولا القــــى من يداويني
تمهل ماعلى بعـــض الجروح الغايـــرات شفوق=قبل لا ينصـــب جـــدار الجفــــا مابينك وبيني
من دلال المواجــــع لاتقــــهويني الخطــا ياشوق=يكفّي واكـــــرم الله يارفــــيــــقي من يقـــهويني

الموضوع الأصلي: شعر: قـديم الشـوق | | الكاتب: سلطان العايضي | | المصدر: شبكة بني عبس

[عبدالعزيز الخياري]

سلمت ياسلطان على حسن الاختيار قصيده من اجمل القصائد الغزليه