[عمر عبدالمحسن]

https://www.youtube.com/watch?v=S8BMVhL8wdE

عـزي لـمـن قلـبـه علـيـلٍ ومـجـروح
وعـزي لمـن همـه سـرى بـه وعـنّـاه

ذكراي ظلم وحــاضري ضيم وجروح
واصعب أمل بيت السعـــــادة ومبناه

اخفي شعوري والنكد فيه مفضوح
لو جف دمعي جابه الوجــــــد ينخاه

ياجرح تكفى وش بقى راحت الـروح
ياجـرح غابـت فرحـتـي ويــن ابلـقـاه

يامـا بكيـت وطـال ليلـي مــع الـنـوح
ويامـا مـن التعذيـب عشـت المعـانـاه

أرفق علي ياجـرح ياجـرح مطـروح
من لـي زمـان بيـاس عايـش مـع الآه

أمشـي بهالدنيـا علـى غيـر مصـلـوح
وقلـبـي يلـوفـه زايـــد الـهــم ويـــلاه

همي عشيري صاحبي وين مـا اروح
مـا بـه طبـيـب معـالـج غـيـر رحـنـاه

قالـوا قـدر مقسـوم لازي مـع الـروح
قلت ارحموا هاتوه وش هو وش دواه

قالوا تعـذّب طـول عمـرك ومسمـوح
لـو نحـت لـو عانـيـت عـمـرك بلـيّـاه

#شعر / عمر بن عبدالمحسن

الموضوع الأصلي: يا جرح تكفى وش بقى راحت الروح + صوتية | | الكاتب: عمر عبدالمحسن | | المصدر: شبكة بني عبس

[خزف]

جميلة ويعطيك الف عافية .

[حنان العنود]

روعه صح لسانك وسلم بنانك
مميزه حروفك ونظمك وقافيتك جميله
يسعدك ربي بالدارين يالرائع
وما يحرمنا منك ومن روعة جديدك

[أثير الشوق]

قصيدة روعه ماشالله صح لسانك

[الزعيم..]

صح الله لسسانك و اعتلا شانك
..

قصيده جزله

[عمر عبدالمحسن]

اشكر الجميع على كرم الحضور وجميل الثناء