[عبدالرحمن هليل]

ياناشدن عني ترى خاطري شين
ضايق ولي يومين عييت اروقي
فالقلب ثارت مثل ثور البراكين
هواجسن فالقلب مثل البروقي
قامت تلج يسار بالقلب ويمين
يالين يبست من سببها عروقي
وحطت لها وسط المحاني ميادين
لاما غدت منها ضلوعي فتوقي
لاجيت ابرقد طار نومي عن العين
اسهر يلين تبين شمس الشروقي
ياطول ليلي عقب بعد المحبين
اللي عليهم حرق الدمع موقي
ياشين دارن عن ثراها مقفين
تنعاف عقب اني عليها شفوقي
والبيت فيه من الكآبه عنوانين
مظلم ليا جيته تكدر خفوقي
ماني على المجلاس صابرنهارين
لاقلت ابسلا ذكرتني طروقي

الموضوع الأصلي: ياناشدن عني | | الكاتب: عبدالرحمن هليل | | المصدر: شبكة بني عبس

[حمامة عربية]

ماشاء الله حماك الله على هذا الحس الجميل.

[كبرياء امراة]

يعطيك العافية

[ساري الغدرا]

صح لسانك ابو هليل
ومالك الا دارك والذكرى لها طراوه ومحبة
والله يستر على طروقك الي تذكرك في ديرتك ههه
تقبل تحياتي

[عبدالرحمن هليل]

دمت واشكرك على الرد الرائع

[عبدالرحمن هليل]

الجميع اشكركم من اعماقي