[خليف الوهيداني]

الله من هاجس(ن)نفسي يلولفها=نفس(ن)من الوقت والايام مقهوره
كل المشاكل باهالدنيا اتصادفها=نفس(ن)تقل من ظروف الوقت مسعوره
والحظ في دربها دايم مخالفها=لو تعتذرمن عسر ماهي بمعذوره
نفس(ن)من الوقت كثرانه مخاوفها=منا ومنا ومنا النفس محصوره
واخاف منها واخاف العين تطرفها=والا البحر اسبحه وغوص ببحوره
عيا السنع واسعد نفسي يحالفها=وادري به نفوس مثل النفس مكسوره
النفوس تلعبها الدنيا عواصفها=وكل(ن)خذا بالعمر من العنى دوره
دنيا بها ناس تفرح في مصايفها=وناس(ن)بها في ديارن فقر مهجوره
ولو الفعايل ابي بالشعر اولفها=ولفتها في جميل الشعر وسطوره
اقضب سطور الشعر بيدي واحرفها=وتمشي على ماتريد النفس مجبوره
ناس(ن)تنومس ابخوتها معارفها=وبالطيب والعز والفزعات مخبوره
وناس(ن)فعول المراجل ماتشرفها=وعلى فعول الردا والخبث مسروره
والنفس تعلبها وابليس يكتفها=ناس(ن)من الكبر واليشطان مغروره
وابليس بالشعوثه دايم مكلفها=وكل الفتن من نفوس الشر مجروره
ناس(ن)على الحقد تبديلك تعاطفها=حتى تذبك بوسط الشر وقصوره

الموضوع الأصلي: ولو الفعايل ابي بالشعر اولفها | | الكاتب: خليف الوهيداني | | المصدر: شبكة بني عبس

[كبرياء امراة]

صح لسانك
يعطيك العافية