[النمر1012]

ماضمني من هالفسيحه كود حضن الزاويه
اعيش فيه العمر كله في رضايه وزعلي
فيه (استضيف الليل) الابكم والرياح العاويه
بحداثها مسرح هواجيسي يغيض ويمتلي
ليل الشتاء والصيف ابد بطوالها متساويه
ماتختلف تكشيرة اخصامي ولا ضحكت هلي
متى تجود تشيل عن صدري هموم" ثاويه
متى الكرم ينبت على كف القدر ويمد لي
متى تعود وتطرد اشباح الظلام الكاويه
متى متى ( تشرق ) وديجور الغداري ينجلي
عيني روي منها عطشها والمسامع راويه
ياقربها من مسمعي .. يابعدها عن منزلي
حاولت ادورها وحصلت المنازل خاويه
ومات الامل لحظة قريت الياس في وجه جملي
ياعاذلي تعبت اعد السارحه و(الضاويه)
واحسب تكاليف الحياه وشرهتك ياعاذلي
ياعاذلي وفر كلامك للنفوس الغاويه
عن الذهب والماس واللولو قنوع" بهللي
ونا ادري ان باقي قدم بيني وبين الهاويه
وفي كل لحظه بالحواجب والعيون تلد لي
عزمت افك اسر الذراع اللي زمانه لاويه
هيهات انا كلي حبيس" بالحديد مكبلي
هذا كياني جمرة" مسجونة" في زاويه
تشعلني الاحلام ساعه وانطفي في معزليلي

الموضوع الأصلي: هذا كياني جمرة" مسجونة" في زاويه تشعلني الاحلام ساعه وانطفي في معزليلي | | الكاتب: النمر1012 | | المصدر: شبكة بني عبس

[طيف الحجاز]

صح السانك

لاجديد .. غير الابداع

[الجمره البارده]

رائعه جداً جداً


صح إحساسگ ^_^

[جاك العبسي]

يعطيك العافيه على النقل

[راسبه بالحب]

صح السانك


روعه الابيات لاهنت

[النمر1012]

صح بدنكمولاهنتوووووو ومشكورين على المرور