[ذيبان الرشيدي]

.
.
بعد السلام ..
أبدأ بنظم الكلام ..
وترتيبه ورصفه .. وإعرابه وصرفه ..
.
.
تغريدات ..
تلتمس منكم بعض القبول ..
.
.

رهزتلك .. بني بوسط المحاميس = وأخذ القرنفل .. واجعله عالي الضرس
يالصاحب العبسي .. لفتك الهواجيس = واللي سواتك .. ماجهل مجمل الدرس
جيت اسألك .. ليه القّرَد والخنافيس = تطرب على .. شوف الغجر جانب الفرس

.

مادامها .. بالصد يامدّور الصد= أبشر بصدٍ .. يأصلك ويتعداك
وأن كانها .. مزحٍ وصل محمل الجد = أبشر بمزحٍ .. يظلم أصباح دنياك

.

لاصارت .. الضيقة بعيني طوابير = دكت .. دويلات الفرح وأستحلت
لاتعذلوني .. يا الزحول المناعير = لاحارت .. الدمعه بعيني وهلت

.

كان العتب .. يشفي عذابي ويوجعك= هاك العتب .. واللي يجيبه يجيبه
ياصاحبي .. والشعر يأصل مسامعك = من عافني .. عفته ولا هي غريبه

.

لاتشتكي .. كثر العناء والمتاهات = والبرد قفى .. وأدلف الوقت حره
لا راحوا .. أرباب الشرف والمروات = جر اللحن .. ياحادي اللحن جره

.
.

ياصاحبي .. ضاقت وشفت الكوابيس = والجسم بايد .. وأتعبته الحراره
ماغير أقلّب .. ضيقتي والهواجيس =وأعانق الضيقه .. وأشب الزقاره

.

يأم الدلع .. يأم العيون المراييش= يالجادل .. اللي طوّلت وأشغلتنا
أما الوصل .. يبلى الكبود المعاطيش = والا بلاش أن .. نعذب بعضنا

.

ياهيه .. لاتفتل عليّه الشوارب = واترك .. سقاط الهرج ياهافي الهرج
ماني .. بفاراً تجعله للتجارب = والا كتابٍ .. تدخله داخل الدرج

.

ياصاحبي .. شفت الخلايق وصدقت = أن الخلايق .. لو صفت لك ما تصفي
بحرت بالدنيا .. وشفني تأكدت = أن الزمن مقفي .. والأعمار تقفي

.

يا أهل القنص .. وين الهدد والبنادق = وين الفياض .. المخضره الجرهديه
ما بالرياض .. الا كثير الفنادق = والمملكه .. وخلافها الفيصليه

.

شاعر.. و أحل معقدات الشرابيك = لادرهمت.. بين الشواعير هجسي
ماهمنا .. شعر العرب والصعاليك = وامن الطناخه ..نشرب الشعر بيبسي

.

يارب .. تبعد عني الضيق يارب = وتبعده .. عن من لا توده عيوني
الضيق .. لامنه على خاطري هب = قلّع .. نواوير الحشا و الغصوني

.

فيك أنفلاته .. وأنقلاب ومصاعيب = وأشكال .. وأنواع الغدر والتنافر
مثل البحر .. غدار مالك صواحيب = ياما غرق .. بغباك مسلم وكافر

.

أهل النمايم .. وأن حكت وأستغلت = صدك .. وصبرك ع الهروج وغثاها
لا تزعلك .. بشدوقها لا أسفهلت = وأستظهرت .. كرهك وبيّن خفاها

.

شفت .. الليالي يكثرن التداريس = مثل الذي .. لحم الغطاطه طبخها
اليا .. اشعمت ناره خذته الهواجيس = واليا ..بت ناره بفمه نفخها

.

طالبك ..قبل انتفارق ضفني برّحل معاك =ماجنيت ..امن المفارق غير تعذيب وتعب

.

رحم أبوها .. لا تغنت جمّلت بيض الهجوس = وأن بغت .. تسحب علينا دورت خط الهدا
من غنجها .. تسلم الكفار وأذناب المجوس = والرشيدي .. لا لمحها راحت هجوسه سدا

.
.
دُمتم ..
على خيرِ حال ..
.

الموضوع الأصلي: مثل البحر غدار مالك صواحيب ... ياما غرق بغباك مسلم و كافر .. تويتريات ( 2) | | الكاتب: ذيبان الرشيدي | | المصدر: شبكة بني عبس

[الكايد99]

مرحبا بالمتوتر
بـ.أسمه ورسمه وقسمه
وصح بوحه .. ونزف جروحه

وعلى كذا نقدر نقول انها لم اجدب العدود الرويه

استمتعت بما امطرت لنا مزونك
من الوابل الشعري

تعجبني تقليعاتك وحركاتك وخصوصياتك

اقول ضاقت على ذيبان حينما يقول:

ماهـمـنـا .. شـعــر الــعــرب والصـعـالـيـك=وامن الطناخه ..نشرب الشعر بيبسي

اقول بيني وبين تفسي لاتكون هذي قبل البايسن والكود رد

لك تحياتي

[هدير الموج]

على رونق وغصن الشجر ... باتت عصافير ألحانك تغرد ..
فنسجت من أصواتها ..أعذب السماع
لتشرق به في صباحٍ جديد
//
صـح لـسانك

[ابوتوتو]

صح لسانك
وتستاهل ختم التميز
ياذيبان

[ذيبان الرشيدي]

اقتباس من مشاركة الكايد99 مرحبا بالمتوتر بـ.أسمه ورسمه وقسمه وصح بوحه .. ونزف جروحه وعلى كذا نقدر نقول انها لم اجدب العدود الرويه استمتعت بما امطرت لنا مزونك من الوابل الشعري تعجبني تقليعاتك وحركاتك وخصوصياتك اقول ضاقت على ذيبان حينما يقول: ماهـمـنـا .. شـعــر الــعــرب والصـعـالـيـك=وامن الطناخه ..نشرب الشعر بيبسي اقول بيني وبين تفسي لاتكون هذي قبل البايسن والكود رد لك تحياتي

ماجزاء ..
الإحسانِ إلا الإحسان ..
وأني ..
أراني .. أعجز عن رد الثناء ..
وأنا في موضِع العاجز عَنْ الإيفاء ..
فشُكراً لَك وكفى ..
.
.
أما بشأن ماذكرت ..
في خاتمة ذاك الثناء ..
فلا أستطيع إلا أن أقول ..
خذ هالبيت مني هديه ..

عن زلة الصاحب .. ترانا نتصدد = لو هي .. تعدت صبرنا وأزعلتنا

..
.

[النمر1012]

على رونق وغصن الشجر ... باتت عصافير ألحانك تغرد ..
فنسجت من أصواتها ..أعذب السماع
لتشرق به في صباحٍ جديد
//
صـح لـسانك

[ولد حايل]

الله عليك ياا ذيبان
لا جديد في الابداع
انت والابداع جسد وروح
لا يتفارقان

[سند الداموك]

شهادتيِ بشخصك مجروحه

أبيات من ذهب كما عهدناك دوماً

كن بخير ياذيبان