[متعب الشعباني]

السلام عليكم ورحمة الله

لاتقول الراس شايب وش بلاه
...............ولاتقول الفكر سارح ويهذي
لو قريت العين ماتقول الشفاه
...............والله إن تحتار في هذي وذي
ياهموم القلب آه(ن) ثم آآه
..........صابر(ن)والصبر موذيني وذي
ماتبعت اللي شكوك(ن)في هواه
...........ولاتركت اللي هواهم لي عذي
ولاطلبت المعطي يعطي من عطاه
..........راضي بحالي ولا ابغى منقذي
هذا طبعي ياعرب من مبتداه
.............دايم(ن) همي يحاذيني حذي
مايريح خاطري غير الصلاه
........ويوم نقرى في صحيح الترمذي
متعب الشعباني 27-3-1434هـ

الموضوع الأصلي: لاتقول الراس شايب وش بلاه | | الكاتب: متعب الشعباني | | المصدر: شبكة بني عبس

[هدير الموج]

صـح لـسـانــك،،

[ابوتوتو]

صح لسانك
بس لو قلت والله لتحتار في هذي وذي =افضل من ان تحتار
جزله من جزل
يسلم راسك

[سند الداموك]

رااااااائع وصح لسانك



تحياتي

[مشلحط الشعار]

لله درك مبدع وصح لسانك يكفي هالب يت
ماتبعت اللي شكوكن في هواه,,,ولاتركت اللي هواهم لي عذي
تحياتي لك

[أبو غيث]

صح ألسانك واعتلا شانك

قصييييييييييييده راااااااااائعه

[شجن عمري]

thanxxxxxxxxxxx