[الشاعر ضحوي]

بديت باللي نزل امن السماء ماه=رب العباد اللي على الكون ضافي
الواحد اللي كلنا نطلب رضاه=لجاء نهاراً ما علينا لحافي
من بعد ذكر الله بداء القاف مبداه=من شاعراً يلعب جزيل القوافي
يسعود يا بعدالرداء عنك بعداه=عز الله انك يبو صطام وافي
سعود رجلاً تفعل الطيب يمناه=مدات جوده ما يجنك ضعافي
فيه الظَفر والطيب والوجه والجاه=معرب الجدين ماهو بهافي
يرقاء سنام المرجله ويتعداه=نادر حرار وماكَر الحر صافي
زبن الي حده زمانه على اقصاه=وزبن الذي يشكي من الشوك حافي
وزبن الذي يشكي من هموم دنياه=يوم ادبرت دنياه جنة مقافي
وزبن الذي قامة ظروفه تحداه=وظروف وقته بيحة كل خافي
عز الرفيق الي من الضيم ينخاه=لا شاف عدوانه تسن الرهافي
وعزن على الجيران واللي بعده جاه=يلقاء الذراء عن الهبوب المسافي
وعز الذي جاله من الغيظ مجزاه=ليا جفاه من المساكين جافي
ريف الضيوف وكل من جاه حياه=ضولا مصادرينً وضولا ملافي
غير الشحم دله على النار مركاه=كيف الرجال اهل القلوب النظافي
من يفعل المعروف والطيب يلقاه=ولا الردي ما ينفعك بالعوافي
جعل الردي والنجس والعفن يفداه=ويفداه من خلًا المراجل خلافي
طلََق يشيل نياقنا لا عد مناه=ويقول مالك بالعقول الضعافي
الشيل وراعي وما هن مرعاه=كل شيء عليََه ما عليكم كلافي
لك ما قفًً يا سعود والله منساه=من عقب سهر العين امسيت غافي
ابمدح الطيب ليا حل طرياه=ما هي سوالف قايمين هرافي
انشهد ان سعود تُحمد سجاياه=سعود نسل سعود رجل سنافي
لولا الله المعبود ثمن لولاه=كان انقطعت ولا حصلي اسعافي
وصلات ربي عد ذكره وحسناه=واعداد من زار الحرم ثم طافي
على نبين بالشريعه تبعناه=شفيعنا يوم الحشر والمخافي



أهدأ من الشاعر \ ضحوي بن ضيف الله مرزوق الرشيدي

الى الاخ العزيز \ سعود بن سعود ماطر الرشيدي

الموضوع الأصلي: الشاعر ضحوي الرشيدي | | الكاتب: الشاعر ضحوي | | المصدر: شبكة بني عبس

[جفاا]

صح لسسآنك وعلى شآنك خيو :~

[سعيد بن سعود]

صح السان ضحوي وسعود يستاهل
قصيدة شاعر جزل تستحق الإشادة

[المرقاب النايف]

سعود منهو ماله اب ماله جد ربع رفاقه يامكن سعود البرزاني

[طلال محمد ناهس]

صح السسسسانك وسعود يستاهل

الله يعطيك العافيه

[نواف بن مفضي]

صح السسسسانك وسعود يستاهل

الله يعطيك العافيه

[عايض حماد بن عريجه]

صح السان ضحوي وسعود يستاهل
قصيدة شاعر جزل تستحق الإشادة