[سـعود المضيـبري]

ياراعـي الجيـب عجـل شمسنـا لاتغـيـبنـبـي نتـلاحـق قـبـل مــا تعـلـن غروبـهـا

خابرك وافـي ضنـي فيـك صعبـن يخيـبماتشيـل هـم الخطـوط وتـدهـل دروبـهـا

اما.ضربـنـا السـهـل ولانـزلـنـا شـعـيـبماعـاد تـوفـي مــع المقـفـي بموجوبـهـا

الوقت ضيق على الصدر الوسيع الرحيبوسقـاه كــاس الـمـرار وذاق مشروبـهـا

واصبحت ضايع مـع الدنيـا ولالـي قريـبو دخلـت بالعولمـه وانـا اجهـل اسلوبـهـا

مابيـن نـت وتـويـت وكـل.شـي عجـيـبمــازدت النـفـس شــي الامــن ذنـوبـهـا

زمانـن اغبـر نشيـب فيـه قبـل المشيـبرمـى تقالـيـدان وقـفـت مــع اسروبـهـا

صار القريب بحكم عين الدهر مستعيـبلــو هــو ولــد عــم مايغنـيـك بكـروبـهـا

يـصـد.بـالازمــه مــاكــنــه الاغـــريـــبويرقـص علـى دمعتـك ويتـابـع ظروبـهـا

ويزيد جرحك لون الوقت جرحـه عطيـبمـاهـمـه الا رضـــى نـفـسـه لمحبـوبـهـا

صإر الحسد يحكم العالم وحكمه صعيـبيـطـعـن بشـلـفـاه ويـداهـمـك بجـنـوبـهـا

ماكن باقي علـى وجـه البسيطـه حبيـبالعـالـم الطيـبـه قـفــت مـــع اذهـوبـهـا

ابــراي لله وحــده لــو تــردى النصـيـبالنـفـس عـيـت تعـيـن شــف مطلـوبـهـا

ويقنـت بـان الدراهـم فـي زمـنـا تجـيـباهـل العقـول الرجيـحـه قـبـل مسلوبـهـا

ماعـاد ينفـع نعالـج لـو زهمـنـا الطبـيـبمايشفـي اوجـأع ناسـن خسـرت قلوبهـا

بيـع الضميـر بزمنـا يشبـه اكـل الزبـيـبتنافـس السلعـه القشـراء علـى جيوبـهـا

ولياء.نصحـت الـخـوي ماكـنـه الاطلـيـبيقـول ماحـطـك الله ضـفـت محسوبـهـا

هو ماسمع كلمة الشيخ الجليـل لخطيـبالنصـح واجـب علـى المسـلـم بمكتوبـهـا

دنـيـاك ياملتـهـي مـابـيـن زرع وقـلـيـبحكـمـه تــورث مــع الاجـيـال لشعوبـهـا

ان زأن طلع النبات وحان حصد الخضيبيبـشـر بجـنـات رب الـبـيـت مخضـوبـهـا

وان شـأن نبتـه فاعـز الله حالـه مريـبخـسـارتـه مـاتـعـوض مـاهــي بـدوبـهــا

تصـلاه نارالحمـيـم الــي وقـدهـا لهـيـبويـذوب عقـلـه مــن الافـحـه و لاهوبـهـا

رحمتك منها يارب الكون تنجي الصويـبنفسـي خشعتلـك وترجـي تغـفـر ذنوبـهـا

سعود بن مسلم المضيبري

الموضوع الأصلي: العولمه .. وضيقت الصدر | | الكاتب: سـعود المضيـبري | | المصدر: شبكة بني عبس