[عيد عوض الرويضي]

السلام عليكم ورحمه الله وبركاته

تحيه طيبه هذه القصييد ه تعبر عن موضوع شخصي امل ان تحوز على رضاكم

راحوا هل الشيمات واهل المشاريه = بيض النوايا مقدرين العواني

ماباقن الى صوير وقريحه واليه = ماتامنه يقلب عليك بثواني

يصاحب الراي الوجيه ومعانيه = ليا تكلمنا يجي علم ثاني

يبي يحسب حسابنا مقلب ايديه= ويضيق صدره كان ربي هداني
ان ما لقاء غيري خوين يخاويه = يبطي ليا سولف معي مانساني
دنياك حاضرها مايشفع لماضيه = ليا قلت قالو يالله المستعاني
علم الردي متوقعه ومتحريه = والطيب يم الطيبين يحداني
ورايك اليا قلته تراي اذني توحيه = يدرع جنبي بالخفاء والبياني
ماكل حفل تشوفني حاضرن فيه = ابا تكلم به وابطلق الساني
وان قمت تقديرن على شان راعيه = لو ما يقدرني سكت مادعاني
والاء القصيد الي تلاطم شواطيه = مثل البحور مقلابات المواني
في مصنعه سهم اكتتابي مغطيه = لو كان لا مرشد ولا الغيهباني
عندى علاقه مع جواهر مباديه = القاه وهو اليا بغاني لقاني
اليا ساق سواق السواني سوانيه = وشالت من الجمه غروب السواني
والي فرض فرضن علينا نصليه = مع حج بيت الله وصوم رمضاني
لو قصدي الشهره ليا قمت اغنيه = لاتابع الاعلام بي مكاني
واطلع مثل غير واجيبه واوديه = وازهم على الشعار قاصي وداني
لاكن لزومي فيه ليا قمت اسويه = تعبير عن غيب الضلوع المحاني
اليا مر هاجوسن على البال طاريه = يعلك ضلوعي مثل علك الباني
طقيت بابه لين يطلع واحييه =واليا عرف وجهي تبسم وجاني
اسج طاروقه واسنع قوافيه = سج النظاء في مطرق الخيزراني
اليا اضربن حومات ولا المتاييه = وركابهن جهال وهن سماني
بالرضن ثراها حام القيض شاويه = مع خفقة المرزم ليال اصخاني
والذيب قبل شوي جر ت مواطيه =قدامهم تقل مخابط احصاني
واصلوا مداهيله وصلوا حراويه = وقروا مع الاخلاص سبع المثاني
واوموا عليهن قالوا الليل نسريه = قدم معنا العشر تصبح ثماني

وتقبلوا تحياتي

الشاعر / عيد بن عوض الرويضي

الموضوع الأصلي: لو كان لا مرشد ولا الغيهباني | | الكاتب: عيد عوض الرويضي | | المصدر: شبكة بني عبس

[أبو نوح]

الله الله

والله إنك صادق يا عيد

لو قصدي الشهره ليا قمـت اغنيـه لاتـابــع الاعـــلام بــــي مـكـانــي
واطلـع مثـل غيـر واجيـبـه واوديــه وازهم على الشعار قاصي ودانـي
لاكن لزومي فيه ليا قمـت اسويـه تعبير عـن غيـب الضلـوع المحانـي
اليا مر هاجوسن على البال طاريه يعلـك ضلوعـي مثـل علـك البانـي

صح لسانك يا عيد على
هذه القصيدة التي قطعت جهيزة كل خطيب

شاعر مبدع


أتمنى أن أسمع لك الكثير فهذا الشعر يروق لي


تقبل تحيتي وإعجابي

[شاعر الصعاليك]

راحوا هل الشيمات واهل المشاريه = بيض النوايا مقدرين العواني
ماباقن الى صوير وقريح واليه = ماتامنه يقلب عليك بثواني

صح لسسانك ملايين ياعيد
قصيدة جزله من جزل
وهذا االقصيد اما غيض والا فيض

[مفارق حائل]

صح السانك قصيده جزله

[عايض حماد بن عريجه]

صح لسانك شاعرنا ابو ملفي ولا تحرمنا جديدك

[عيد عوض الرويضي]

السلام عليكم ورحمة الله وبركاته

اشكر جميع من اطلع وشرفنا بمروره الرائع وابداء رايه بما نكتب

وتفاعله الدائم والمشجع لنا وهذا ان دل فيدل على حسن الذائقه الشعريه

لديه

واكرر واشكر مرروركم وحفظ الله الجميع من كل شر.

وتقبلوا تحياتي