[غنام]

السلام عليكم ورحمة الله وبركاته


يا قناص انا ارسل لك رساله ولا ادري وصلت

ولا علومك عساك بخير وش علم الحياء

الموضوع الأصلي: سلام للقريب وللبعيد | | الكاتب: غنام | | المصدر: شبكة بني عبس

[قناص الضواري]

والله توي شفت ارسالتك

اذا انت ماجود عطنا طااااروق

[غنام]

سلام رديةٍ تاصل قريب وبعيد = تسبق هبوب الهواء لونها مسرعه

تعال ياراعي الصيده نبا لك مصيد = وش علم نبت الحياء من حايل للمجمعه

[قناص الضواري]

اقتباس من مشاركة غنام سلام رديةٍ تاصل قريب وبعيد = تسبق هبوب الهواء لونها مسرعه تعال ياراعي الصيده نبا لك مصيد = وش علم نبت الحياء من حايل للمجمعه

يامرحبا ردةً من هاجسن مايعيد=ترحيبة 2000 ضرب 2000 لو تجمعه
ان جيت جبت العلوم وجبت علمن وكيد=يكفيك ياللي بغيت العلم لو تسمعه

[غنام]

الله يبارك بكم لا صار حبلك جويد = حتى تحث الزمل يتبعك ولا اتبعه
ياراعي البندق اللي خشمها مايحيد = أجمع لها زهبةٍ يوم العرب تجمعه

[قناص الضواري]

اقتباس من مشاركة غنام الله يبارك بكم لا صار حبلك جويد = حتى تحث الزمل يتبعك ولا اتبعه ياراعي البندق اللي خشمها مايحيد = أجمع لها زهبةٍ يوم العرب تجمعه

الله يبارك عليك وكل شين جديد=سقها على ازمل لو تاخذ عليها اربعه
البندق اللي رمت من صوبكم ياعقيد=صوبت بس الذخيره مالها فرطعه

[غنام]

السوق بابه فتح والبيع لأهل الرصيد = أدخل مع الباب صك الباب ولا اشلعه

الأيام حبلا وأعرف انك تصوغ القصيد= خل الشعر ناقده يركض مع المعمعه

[العدالروي]

اقتباس من مشاركة قناص الضواري الله يبارك عليك وكل شين جديد=سقها على ازمل لو تاخذ عليها اربعه البندق اللي رمت من صوبكم ياعقيد=صوبت بس الذخيره مالها فرطعه

سلام عليكم ورحمة الله
غنام +قناص الضواري
صح السنتكم متابع واتقد ان اخوي قناص خانه التعبير بالبيت الثاني ؟؟؟ مجرد راي وميانه على ابو الضواري