[مرشد ابو تركي]

ارسل لي الشاعر /عبيد عبدالله الداموك هذه الابيات

يامل قلبٍ يامرشد له سنه في حرب وجهاد=
...................... كنه مع محاربين القدس واطفال الحجاره
ازرع في بلاد جدي صار له حاصد وجداد=
...................... وانا خسرته وغيري كاسبن منه التجاره
هذا الخبر وانت عطني علمك اللي يوصل الماد=
...................... انا اشعم النار والا اسيب المسوي وجاره




ورديت عليه هذه القصيده


يامرحبا بالكتاب اللي لفاء من عقب الاجداد=
...................... رحبت به كني مبشر مع الطرقي بشاره
بخط ابو عابد هلا اعداد ما عيدنا الاعياد=
...................... واعداد ما بالوطن يمشي وما تبنى عماره
قريت خطه وكررت القرايه عشر واعداد=
...................... وفهمت معنى البيوت اللي كما لولوء محاره
يقول جتني من ادنى الناس ماهو ناسٍ ابعاد=
...................... ما ادري جهاله من الاقراب والا جت غجاره
لاباس ياللي شكالي من ظروف الوقت الانكاد=
...................... ويقول هرجٍ صحيح ما دخلت فيه القماره
وقبله وانا من ظروف الوقت وسط الكبد قداد=......................
...................... واذا تذكرت في ماشفت زودها مراره
ياعبيد حركت بحرٍ في ضميري له سنه هاد=
...................... وخليت بحر الشعر ياعبيد يرجع في مداره
وبنيت شعرٍ بقاف عبيد له سيسان واوتاد=
...................... واللي يخاوي النمور يصير به طبع النماره
ياعبيد عن مشكلة قومٍ تزيد وقصدها اعناد=
...................... جنب طريق الخطأ والنفس في عز وقاره
تقول قلتم وقال وصار به حاسد ولداد=
...................... واغووه ناسٍ عن الدرب السنع وانحو مساره
قبلك شكو من طبيعة مشكلتك اجموع وافراد
...................... =شوف الاسيحم يجر الصوت في سر وجهاره
هذاك لا تحسب احسابه ولاتعده بالاوجاد=
...................... اللي عن الواجبه والازمه يضفي الستاره
عساه من بينهم ينسف بظهره خرج وشداد=
...................... ويقودنه سوات الثور من حاره لــــ حاره
لو يوزن اجنيه في البصره نقص في سوق بغداد=
...................... بعض العرب ما يميز في يمنه من يساره
وي الله عسى الرد مقنع لبو عابد والهدف صاد=
...................... وصلاة ربي عدد ليله وما يبدي نهاره

الموضوع الأصلي: يامل قلبٍ يامرشد له سنه في حرب وجهاد | | الكاتب: مرشد ابو تركي | | المصدر: شبكة بني عبس

[عيد الداموك]

شاعرنا مرشد ابو تركي صح اللسانك

وصح اللسان الشاعر عبيد الداموك

[ابن شلال]

صح لسان الشاعر عبيد الله وصح لسانك يامرشد قصايد وافيه من شعراء وافين

[الـخشف]

صح اللسنتكم جميع لا هنتووو
صوت وصدى

[محمد بن صبح]

صحت ألسنتكم شعراء مبدعين

صوت و صدى


لاهنت مرشد على هذه القصائد

[عبدالرحمن الحميدي]

صح لسانك
صوت وصدى ولا اروع

[أميرة البنات]

ماشاء الله

صح الله السنتكم

[ابن صقعان]

لاهنتم كل قصيده احسن من الثانيه بيض الله وجيهكم