[مبارك نافع]

السلام عليكم ورحمة الله وبركاته


قصيدة قديمة من الأرشيف

عديت بالرمقاب واعجبت الحناجر والقلوب=واسرجت خيلٍ لاحتمى الميقاف جيت أعنها
خيلٍ تطاوع هيبتي في كل حدب وكل صوب =تمشي على كيفي وأنا اللي مايخيّب ظنها
يامهرة الحرف الأصيل اللي على فكري تذوب=بعض الأوادم فني راسي مايطابق فنها
ومن حب خد الريح ماأقول أنت رجالٍ كذوب=لن الثريا شاربٍ فنجال حكرة بنها
ولاضاق صدري لو يضيقن الوساع من الدروب=وكم غلطةٍ بين الضلوع المهدفات أكنها
ترقا هجوسي للعلا وأهيم مع صوت الهبوب=يجرف خيالي صوتها لو أنها لو أنها
ماعاد تعطيني على الواقع سلام من الذنوب=الظاهر أن ذنوب بقعاء كلهن يعصنها
والله وأكبر كيف ياوجه الشفق بعد الغروب=تبطي علي بحربك اللي كل ليل تشنها
وشلون ماعندك حياء تبطي علي ولاتتوب=بعض السوايا اللي تسويها معي مامنها
وبعض الرجال ليا حضر ماهو بكفو ولامحسوب=أخدود وجه من كثر لطمت يديه احفنها
هذا وأنا ماني على بعض السواليف مغصوب=أشوم عنها فن راسي مايطابق فنها

الموضوع الأصلي: يامهرة الحرف الأصيل اللي على فكري تذوب=بعض الأوادم فن راسي مايطابق فنها | | الكاتب: مبارك نافع | | المصدر: شبكة بني عبس

[مذكر الرشيدي]

هــذا وأنــا مـانـي عـلــى بـعــض السـوالـيـف مـغـصـوب
أشـــــــــــــوم عــــنــــهـــــا فـــــــــــــن راســـــــــــــي مـــايـــطــــابــــق فــــنـــــهـــــا

لله درك ع هذا الابداع الرائع

صح لسانك

[عادل الشويلعي!!]

صح السانك شاعر متمكن

[رائد الذيابي]

هذا هو الشعر .. أحتاجْ عندما اقرأ هذا الشخص الى اكثر من ذائقه أحتاج الى هواء آخر
وذاكره اخرى .. هُنا كل شيء كان جميلا .. حتى الفراغاتُ بين السطور تبدو لي جميلة

[النمر1012]

الله الله الله
صح اللسان يابو نافع
قصيده جزله من شاعر يعشق اللى جزاله

ومن حب خد الريح ماأقول أنت رجالٍ كـذوبلـن الثريـا شـاربٍ فنجـال حـكـرة بنـهـا

ولاضاق صدري لو يضيقن الوساع من الدروبوكم غلطـةٍ بيـن الضلـوع المهدفـات أكنهـا