[عبدالهادي بن صبح]

رعاك الله ياللي طول غيابك علي وأبطيت=وأنا لو شفت حالي والله أنك ماتخليني
أعيش العمر لاحيٍ ولاني مستريح وميت=حياتي في رجا شوفك ودمعي محرقٍ عيني
عطيتك ماتمنيته بميثاق الهوى وأوفيت=وعطيتك كل شيٍ يشفي جروح المحبيني
دخيلك لاتقول أنك من الدنيا كذا مليت=وأجيب لك القمر والشمس في يسراي ويميني
ودخيلك لاتوادعني ليا منك خلاص أقفيت=عساي أنساك وألقا لي وليفٍ عنك يغنيني
سقا الله يوم أنا ضامي وتسقيني ولا شحيت=بخمرٍ من شفايا مبسمك برضاك تسقيني
ترى لولا غلاك أن كان ماخذت الجواز وجيت=وتعديت المنافذ كلها والليل ممسيني
لابد أن الليالي غرتك وأخطت علي وأخطيت=على قلبٍ يموت بغيبتك وأن جيت يحييني
ياكيف أرتاح ويطيب الكرى وأسلا ليا سجيت=وأنا طعون الغرام وذكرياته باقيه فيني
عذابي يوم أجي دارك وأشوفك عند باب البيت=وأشوف اللي حرمني منك واقف بينك وبيني
جزاك الله على مافيّ ياعذب اللما سويت=يوريك العذاب اللي لهيبه في شراييني
عشقتك لين ضعت وضاعت أيامي ولاحسيت=وكسبت أيام عمرك ولا أنا ماعاد يمديني

الموضوع الأصلي: عطيتك ماتمنيته بميثاق الهوى وأوفيت=وعطيتك كل شيٍ يشفي جروح المحبيني | | الكاتب: عبدالهادي بن صبح | | المصدر: شبكة بني عبس

[سمو المجد]

عذابي يوم أجي دارك وأشوفك عند باب البيت

وأشوف اللـي حرمنـي منـك واقـف بينـك وبينـي

جــزاك الله عـلـى مـافــيّ يـاعــذب الـلـمـا سـويــت

يـوريــك الـعــذاب الـلــي لـهـيـبـه فــــي شـرايـيـنـي

صح لسانك واعتلى شانك

[ابـومـتعب]

صح لسانك وبيض الله وجهك

[عيد الداموك]

رعـاك الله ياللـي طـول غيابـك عـلـي وأبطـيـت
.

.
وأنــا لــو شـفـت حـالـي والله أنـــك ماتخلـيـنـي

عبد الهادي بن صبح
صح لسانك ولاتحرمنا من جديدك وهذا الابداع
كلمات راقت لي واقتبست منها هذا البيت مع ان
القصيده كامله وتستاهل ختم صح لسانك وتقبل تحياتي

[الخشف]

ازهمو فلك فكري لا يخيب اتعبي = وسط غبن المشاعر بالهواجيس ضيق
قفت الشمس عصر وما ذكرها غبي = صفرة عصير راحت والمدامع تويق
طفلة وسط صدري ما كفاها الحبي = شبت النار وركت في ظلوعي حريق

صح السانك أأأأأأأأأبداع

[احمد منيف]

الله الله 

صح الله لسانك

[عبدالهادي بن صبح]

اقتباس من مشاركة سمو الحزن عذابي يوم أجي دارك وأشوفك عند باب البيت وأشوف اللـي حرمنـي منـك واقـف بينـك وبينـي جــزاك الله عـلـى مـافــيّ يـاعــذب الـلـمـا سـويــت يـوريــك الـعــذاب الـلــي لـهـيـبـه فــــي شـرايـيـنـي صح لسانك واعتلى شانك

سمو الحزن صح بدنك

تشرفت بمرورك

لك أجمل تحيه

[هيون]

صح السااااااااااااااااااااااانك