[ناصر المظيبري]

السلام عليكم ورحمة الله وبركاته
انقل اليكم محاورة بين شاعر المهامزه القادم حجاج المهيمزي و الشاعر سلمان عوض المظيبري

حجاج المهيمزي
سلام من صدرٍ هجوسه تدحم فيه البيوت=مثل ادحام ضيوف مكه بالطواف وبالسعي
سلمان حصل فرصةٍ توخذ ولايمكن تفوت=الله يعز الليله اللي خلته يلعب معي

سلمان المظيبري
يامرحبا ترحيبة تبقى صدى من بعد صوت= للمسلم اللى لاوقف قدام ربه يدعى
ياشينكم يالابسين الثوب من فوق البشوت=الله لنا يالميت اللى لاصياح ولا نعى

حجاج المهيمزي
دام البقى والبحر يارجال في داخله حوت=والنار تالع من شراره ياشراره ولعي
ياشينكم ياتاركين الزرع لين انه يموت=وتدورون العشب لاغطى على الارض الرعي

سلمان المظيبري
لقيت لى قوم على البحر الحمر فالجيلبوت= وانا ماحب اللى يدورغير طبى واسنعى
ان كنت تاعى ماتقول اخبرهلك فى حضرموت=ترى هلك فيماتقوله من بدايتها تعى

حجاج المهيمزي
لقيت لي قومٍ على وقت السعه تلعب بلوت=وانا احمد الله عارفٍ وش مدخلي من مطلعي
انته تضلل لك تحت غصنٍ مهشم ومحتوت=وانا الغصون اللي بدون اوراق ماهي مطمع

سلمان المظيبري
اجلس مع اللى يلعبون بصف لكن لاتشوت= واليا سعيت ابشر بمن يعطيك مقدار السعى
ابيوتنا تعرف قبل نص العرب تبنى البيوت=على ليان العظم ما اوجه قذيفة مدفعى

حجاج المهيمزي

انا اشهدنه مايفيد اليوم توظيب الفروت=يالاصمع اللي مابيوتك من بيوت الاصمعي
اقوللك يازين عن بعض الخثاريق السكوت=اما التزم بالصمت والا عينك وراس اصبعي

ارجو ان تنال استحسانكم

الموضوع الأصلي: طاروووق ناري حجاج المهيمزي والشاعر سلمان المظيبري | | الكاتب: ناصر المظيبري | | المصدر: شبكة بني عبس

[العـير]

سلمان المظيبري
اجلس مع اللى يلعبون بصف لكن لاتشوت= واليا سعيت ابشر بمن يعطيك مقدار السعى
ابيوتنا تعرف قبل نص العرب تبنى البيوت=على ليان العظم ما اوجه قذيفة مدفعى

حجاج المهيمزي

انا اشهدنه مايفيد اليوم توظيب الفروت=يالاصمع اللي مابيوتك من بيوت الاصمعي
اقوللك يازين عن بعض الخثاريق السكوت=اما التزم بالصمت والا عينك وراس اصبعي

قمة الفتل والنقض
صراحه شعراء اول مره اسمع فيهم ولاكن شهاده انهم مبدعين
والشطر الملون بالاحمر شطر عالمي
تقبل مرور العااااار

[ابو شرق]

صحت السنت الشاعرين والله يوفقهم جميعا وانا قد قريت هالمحاورة واعتقد انها جرت بمنتديات ابانات اذا ماني غلطان والحقيقة مبدعين

[أخـو جـزعـة]

شعراء فطاحله !!!!

اسئل الله التوفيق لهم

[بنك الشعر]

الله على الطاروووووووق الرايق والشعار الكبار

وفالكم التوفيق