[شاعر الصعاليك]

السلام عليكم ورحمة الله وبركاته

حبيت أشاركم بهالمتواضعة التي اتمنى تنال استحسانكم
وهذ اول مرة نزور قسم أهل الشعر ، لان أغلب الوقت بالمحاورات ، وأن شاء الله نكون من الدائميين والداعمين ..ّّ

يقول صعلوك العرب بالتعابير = مع السلامه يا جموع الرجالي
عن عالم الاحياء قصرت المشاوير= ولعالم الاموات سقت الرحالي
لا خير في ناس(ن) تعبد الدنايير = ولعيونها ترضى ترب الدلالي
ولاخير في ناس(ن) تجيب المناشير = لا طاح نبع الجود بين الجمالي
ولا خير في ناس(ن) حلاها قناطير = وبالشر تباشر به على كل حالي
هذا زمن ما اقول قد شيب اصغير = الا زمن خلا العجايز عيالي
وانا من ادروس الزمن نلت تقدير = وميزت اقاصيها وشفت الموالي
ودوجت وسط البر حول النواوير = وعديت مع سرحان فوق الجبالي
ومشيت حافي فوق شوك ومسامير = وشلت الحمولة دون ربط وحبالي
وطبيت وسط البحر من دون تفكير = مدري طناخة فكر والا هبالي
واللي يعرف الشر ما ينكر الخير = واللي يذوق المر قد ذاق حالي
ومدام ربي كافل (ن) رزقة الطير = الحمد لله والشكر في مقالي
لا طارد(ن) جساس مع سالم الزير = ولا شاكي(ن) حالي على غير والي
ولا مدور الاخبار بين المسايير = ولا راسم الاحلام عقب الزوالي
جزنا عن الارباح هي والمخاسير = وساس السلامه لارجع راس مالي

الموضوع الأصلي: يقول صعلوك العرب بالتعابير = مع السلامه يا جموع الرجالي | | الكاتب: شاعر الصعاليك | | المصدر: شبكة بني عبس

[عنتر زمانه]

قصيده شامخه

وبالمجمل على السريع

قد يكون الغضب أخذ حيز كثير من بيوتك فالطمع صفة بني ادم رغم أنك حاولت أنكاره

وهذا دليل على طيب معدنك وكرمك الاخلاقي والمادي

وأعجبني كثر تجاربك للحياه فتصدق أنه صار عندي فضول أن أعرف كم عمرك بالضبط

عمومآ يحلوووو لي الحديث معك بحيث انك شاعر محاوره

وربما لي عوده رغم كثر ما تحتويه هذه القصيده من تجارب وأنقلابات بالعوائد والتقاليد

شاكر لك هذا النزف الرائع ولا تغضب عندما تعمل قصيده هههههه

[شاعر الصعاليك]

اقتباس من مشاركة عنتر زمانه قصيده شامخه وبالمجمل على السريع قد يكون الغضب أخذ حيز كثير من بيوتك فالطمع صفة بني ادم رغم أنك حاولت أنكاره وهذا دليل على طيب معدنك وكرمك الاخلاقي والمادي وأعجبني كثر تجاربك للحياه فتصدق أنه صار عندي فضول أن أعرف كم عمرك بالضبط عمومآ يحلوووو لي الحديث معك بحيث انك شاعر محاوره وربما لي عوده رغم كثر ما تحتويه هذه القصيده من تجارب وأنقلابات بالعوائد والتقاليد شاكر لك هذا النزف الرائع ولا تغضب عندما تعمل قصيده هههههه

أخوي عنتر زمانه ، أسعدني مرورك وتعليقك الرائع على قصيدتي المتواضعه ، ووجودك في أي موضوع يثري الموضوع ويزيده جمالا .

وأن شاء الله ما فيه غضب ولا زعل ، ولكن القصيد شعور وأحاسيس
وأذا ثارت مشاعر الشاعر فأنه يصعب كبتها ، ومتى ما كتبها فهي لم تعد ملكه بل ملك الاخرين .

وربما تكشف لك الايام القادمه ، ما كانت تخفيه الليالي الماضيه

أكرر شكري وتقديري ، وتقبل تحياتي

[الخشف]

الله الله ... الله الله ... ياااا سلام يا سلااام ... عليك

صح السانك أأأأأأأأأبداع

[احمد منيف]

صح الله لسانك اخوي قصيدة طيبه

[شاعر الصعاليك]

اقتباس من مشاركة الخشف الله الله ... الله الله ... ياااا سلام يا سلااام ... عليك صح السانك أأأأأأأأأبداع

صحت ابدانك يالخشف ، واسعدني مرورك الرائع
دمتي بكل ود

[شاعر الصعاليك]

اقتباس من مشاركة احمد منيف صح الله لسانك اخوي قصيدة طيبه

صحت ابدانك اخوي أحمد ومرورك هو الاطيب
دمت بكل خير

[مذكر الرشيدي]

قصيدة جزله ورائعه

صح لسانك وكفو

وقصيده فيها من الشموخ ماتروى به النفس

لله درك ع هالجزاله