[جزاء بن سعود]

ماكل صمت(ن)من ذهب يالأجاويد=وماكل هرج(ن)فضت(ن)لاحكينا
بعض الهروج تصاغ صوغ المفاريد=وبعض الهروج أتفشل بهارجينا
وماكا رجل(ن)لانظر ينظر بعيد=وماكل رجل أن غاب لك فاقدينا
وصاني أخويا وعد التعاديد=هرج الحكم قول الحكم سامعينا
الأوله قاله وقال التفاريد=في بنت جارك ياجزاء حافضينا
مثل خواتك لاتنقص ولاتزيد=الجار مثل الدار والله علينا
يشهد بأنا نحفظ الجار ياعبيد=والثانيه قاله وقال الحصينا
أحذر من ألي ينفخ الكير ويعيد=قوله وقوله ناقص(ن)وش علينا
والثالثه لاتعاند صغير وتعيد=خل الهرج مع كاملين الفطينا
والرابعه قول الذهب والتواكيد=أمن النساء نوعين شيخه وشينا
الشينه ألي بالأدب دوم ماتفيد=تعطيها ماتشكر عطيتو وعطينا
لو كان بيتك باللفا دايم أيزيد=تفشلك عند الضيوف وهلينا
والشيخه ألي دايم الدوم ماتعيد=هرجك ماعاها بالوصاه أن وصينا
لو كان حالك مثل مدك ماله قيد=غير السعاده مع عباده ثمينا
والخامس أصل الرحم يم الأجاويد=عمك وخالك بالوصل لو عنينا
والسادس أكتب بالشعر جزل الأقصيد=وحنا رجال وللشرف عايشينا
والسابع أفهم يافهيم المقاصيد=خلك مثل قبرك لهمك دفينا
وليا حزنت وأبتدت هالتواجيد=أدع الله ان أينزل ألك السكينا
والثامنه قول الشرف مننا أتريد=الجود ماهو بالقرى والمدينا
الجود عند ألي بها دايم أيجيد=هذي وصاته يوم رحنا وجينا
مسكتها ثم صنتها يالأجاويد=صون المطوع للصلاه أن نسينا

الموضوع الأصلي: ماكل صمت(ن)من ذهب يالأجاويد | | الكاتب: جزاء بن سعود | | المصدر: شبكة بني عبس

[مُخاطِرْ]

صح لسآنك.
واشكرك ع هذي الأبيآت التي من ذهب.
°يعطيك العافيه
وننتظر جديدك بأحر من الجممممر.^_^

[عبدالله السعد]

الله الله

صح لسانك مدد بلا عدد يا ابو سعود

ابيات عذبه من شاعر عذب

لاهنت وبيض الله وجهك

[سالم الرشيدي]

صح السانك واعتلا شانك
جزله ووافيه