[فضي البراك]

جديد الشاعر الكبير/ ثامر شبيب

الناس في حاجة بعض وين ماكان=حتى الملك لـ ضاق شعبه سلاحه ..
الحر عنّاق السما طير حوران=ماعاد يسوى لو كسرنا جناحه
تجيك من بعض القرايب لك احزان=وتجيك من بعض الاجانيب راحه
اوزن كلامك قبل تحكي بميزان=ما كـــل كلمه تمتلكها مـــباحه
كانك تبي تنصح لك انسان / ياانسان=خلك معاه انسان وقت الصراحه .
لا تنصحه عند الجماعه والاخوان=هذي ترى ماهي صراحه/ وقاحه
اختار وقت / وصوت هادي / وبرهان=وعطه مجال يقول راي ومساحه
خلك حذر ، واعي ، ومدرك / ومليان=حكمه ، وتفكير ، وشعور ، وفصاحه
اذا اقتنع / امدح قناعته لاهان=لا تجرحه وتكون سبة جراحه .
وان كنت ماتملك من الحجه السان=خل النصيحه لـ وجه مملي شراحه
دايم تذكر كل ماتنصح انسان=بعض الصراحه يكون فيها وقاحه

الموضوع الأصلي: ثامر شبيب/ خلك حَذِر | | الكاتب: فضي البراك | | المصدر: شبكة بني عبس

[المشعل]

دائما مبدع فضي

صح السان الشاعر الكبير والرائع ثامر شبيب ..

ولاهنت ابو فيصل على النقل ..

[فضي البراك]

اقتباس من مشاركة المشعل دائما مبدع فضي صح السان الشاعر الكبير والرائع ثامر شبيب .. ولاهنت ابو فيصل على النقل ..

مرورك هو الأبداع

ولا شكر على واجب

[الموج الهادي]

صح السان الشاعر ثامر شبيب
وبيض الله وجهك يافضي

[محمد الدغباسي]

الله اكبر صح لسان العود

بيض الله وجهك ياابو فيصل على النقل

[ناصر الرشيدي]

صح لسان الرقي ثامر شبيب

وسلمت يدينك على النقل يابوفيصل

[ذرا عبس]

صح لسان العذب ثامر شبيب مشكوور على الطرح يالامير لاهنت

[الوافي]

مشكور اخوي على النقل الله عليك يثامر مبدع