[طلال محمد ناهس]

قال الشاعـر الحـنـيـني الجهـني هذه القصيده عـندما تـردت ذلـولـه وهـومــاراً
بديار الـذيـبـه من قـبـيـلـة بني رشيد وترك ذلوله ترعى في احد الاوديه وبعـد
وصوله الى اهله ارسل هذه القصيده على السمرات شيوخ الـذيــبـه مـن بني
رشيد يوصيهم على ذلوله الذي تردت في ديارهم ويخـص بالذكر الشيخ فالح
والشيخ سمران والشيخ عـليان بان يحافـظـو عـلى ذلوله او يعـوضونه عـنها
فقام كل واحداً منهم وارسل له ذلول وارسلم عـليه ايضاً ذلوله فيقول الشاعـر
الحـنـيـنـي الجــهــنــي بهـــذه الـقــصــيـــده

يابكرتي خليتهـا فـي جفيفـان

واهل الغنم عن جالها هاربينـي

خليتها في وجه فالـح وسمـران

اهل الوجيه اللي لهـا محتمينـي

سمران مثل سهيل ضوه لكم بان

وربيعكـم لوالعـرب مدهرينـي

زيزومكم وان جت صواريم عقبان

حامي جوانبكم بقاسـي ولينـي

وفالح كما عداً على جال معطـان

يملا دلاكم والعـرب معطشينـي

ياما صفقهن في عجاجن ودخان

وياما عزل من مقرعات الحنيني

ويذكر لنا ان الشيخ منكم عليـان

ومن يفعل المعروف ذكره يبينـي

ما يذ بح الابالقرن سدل الضـان

ويـزود بـالا ثمـان للبايعينـي

وابي منك ياشيخ عطوى بالايمان

ذلول من فالـح حذيـه تجينـي

هذا وما خط الحنينـي ومـازان

وان عاضبت لاعلكـم سالمينـي

كـم فـارسـاً

قــال الـشـيـخ سـرور بـن سـمـره الــذيـــابــي الــرشـيـدي قـصـيـده طــويــلــه
ومـــنــهـــا هـــــــذه الابــــــــيـــات فــــــــي احــــــــد الــــــوقــــــعــــــــات

ياسابقي باكـر علينـا غـاره

نبي عليك مبـا رز الفرسانـي

باكر يجي شيخاً بعيـد اذكـاره

ريف الضيوف ومركب الحفياني

نقضب عليه الريع عن معبـره

هذا جـزا للزايـر الطمعانـي

كم فارساً حاطت عليه اشـواره

والفعل يعلم به رفيع الشانـي

المرجع – من الحاضروالماضي

منقووووووووووووول

الموضوع الأصلي: ذلول الجهني ومدح السمرات من الذيبه | | الكاتب: طلال محمد ناهس | | المصدر: شبكة بني عبس

[فيصل المتعب]

مشكور اخوي طلال

[سيوف بني عبس]

صح لسانهم
ويعطيك العاافيه ع نقل

[الوافي]

مشكور اخوي والله يرحمهم وموات المسلمين

[طلال محمد ناهس]

اقتباس من مشاركة فيصل المتعب مشكور اخوي طلال

لاهنت ومشكور ع المرور

[طلال محمد ناهس]

اقتباس من مشاركة سيوف بني عبس صح لسانهم ويعطيك العاافيه ع نقل

الله يعافيك ومشكوره ع المرور ^_*

[طلال محمد ناهس]

اقتباس من مشاركة الوافي مشكور اخوي والله يرحمهم وموات المسلمين

لاهنت ع المرور اخوي

[شُقوقِ الجُنون]

يستحقون المدح
سَلِمتَ ع الطرح