[عبدالرحمن هليل]

سته وعشرين سته عدوحسابي.
يكملن ست ياقايد مسيرتنا.
في عهدك الحال زان ووضعنا طابي.
والمملكه فيك ترقى وبك رقتنا.
الله يديمك ذخريااعز الالقابي.
وتعيش ياماخذن منا محبتنا.
غلاك بقلوبنا شيد بالاطنابي.
يدوم معنا يالين آخرنهايتنا.
نفداك بارواحنا في سلم وانشابي.
إن مافديناك وشهي عاد قيمتنا.
من لايودك عساه بشين الاسبابي.
لاهو بمنا ولاهومن جزيرتنا.
ومن لاحفظ قدرداره ياكل ترابي.
من خان عهده عنه نقطع علاقتنا.
ياداريادار ابومتعب والاقرابي.
يادار الاسلام يامصدرعروبتنا.
لايزعلك من جحد فضلك ولاعابي.
واللي يعاديك يبشرفي عدواتنا.
والله ليشرب عقب حلوات الاكوابي.
سمن سقطري ويشرب من مرارتنا.
يبشربسهم مدى الايام شبابي.
يطفي شراره لياقابل شرارتنا.
نلقنه درس ماهو درس طلابي.
عليه مامر قبل يذوق طعنتنا.
يشيب منها لوإنه قبل ماشابي.
هذا جزى من تهاون في معزتنا.
نسد دربه ونقفل عنه الابوابي.
ونعلمه في حياته قدرشيمتنا.
سافل وملعون يفخرباسم الارهابي.
يبطي عظم مايغيرمن مكانتنا.
احرارفي العزوقناكل مرقابي.
الموت وقت اللزوم اكبرمسرتنا.
صوارمن مانخاف الموت ونهابي.
نقلط على الموت لاجينا بحزتنا.
مانقبل الذل دام الذل ينعابي.
نموت في عزماتصغرمهابتنا.‏
لفعالناسجل التاريخ بكتابي.
لوتنشده قالك عن كل قصتنا.
افعال ماهي خيال ولابالاكذابي.
ماقيل غيرالصحيح وذي حقيقتنا.
لوغاب راع الفعل بالذكرماغابي.
يكفيك عبدالعزيزاكبردلالتنا.
راع الكرم والشجاعه زبن الاصعابي.
بعد الله الشمل لمه في جزيرتنا.
أختاره الله لقطع الشرمحرابي.
عقب الجهل والتباعد صف وحدتنا.
حررقيود الجزيره من يد الهابي.
في حكمه الامن ساد وعاد سنتنا.
والخوف ولاولاله يمنا نابي.
نرقد ونمشي بامان بكل يمتنا.
مسلم بربه توكل وله طلابي.
والدين سيفه وبه قوة عزيمتنا.
وله استجاب الولي ولطلبته جابي.
حقق مراده وغيره خاب وافختنا.
يالله يارب يافكاك الانشابي.
تغفر ذنوبه وتقبل عنه دعوتنا.‏

الموضوع الأصلي: صقر العروبه | | الكاتب: عبدالرحمن هليل | | المصدر: شبكة بني عبس