[سيف العز]

انقل لكم القصيد التي القاها شاعرنا المبدع سعيد عيد الرشيدي في حفل المشاعله من بني رشيد ضمن الامسيه الشعريه في قصر المعالي ببريده وقد تمت تغطية الحفل من قناة صدى الفضائيه وسوف يتم بث الحفل على القناه بالقريب العاجل

المجد تاريخٍ تسجل احروفه=ما كنه ألا طويق عال المقامي
والطيب يعرف والاسامي امعروفه=واسم ابن مشعل من خيار الا سامي
صغيرهم بالجود تندح اكفوفه=سلمٍ لجده والابو والعمامي
نفسه عن الهفوات دايم عيوفه=يشوم شومات الطنيخ القطامي
واحدٍ سمع بسهيل واحدٍ يشوفه=واحدٍ على عينه غشاها الغمامي
واحدٍ غيابه ما عليه الحسوفه=واحدٍ حضوره نور عكس الظلامي
والآدمي منشاه حسب ظروفه=منشاه شرقي لكن العرق شامي
ويامرحبا في حفل مكرم ضيوفه=نيابةٍ عن لابتي يالحشامي

الموضوع الأصلي: الطيب يعرف والاسامي امعروفه | | الكاتب: سيف العز | | المصدر: شبكة بني عبس

[راع الاوله]

واحدٍ سمع بسهيل واحدٍ يشوفه
واحدٍ على عينه غشاها الغمامي

صح لسانك شاعرنا الرائع
لاهنت ياسيف ويعطيك العافيه بس تمنيت لو حددت لنا متى يتم نقل الحفل على القناه

[سيف العز]

صح الله بدنك راع الاوله
وابشر
لك خالص تحياتي

[ظافر بن وهيب]

أخي الغالي / سيف العز

وفقك الله وسدد على طريق الخير خطاك

وبعد :

بيض الله وجهك بياض يدخلك الجنة أيها السيف

سلمت وسلمت يمناك على نقل وطرح هذه الرائعة

وصح لسان الشاعر المبدع / سعيد عيد الرشيدي

ويستاهلون المشاعلة من بني رشيد

أسأل الله أن يوفقنا وإياك وجميع إخواننا المسلمين لما يحب ويرضى

من القول والعمل إنه هو السميع المجيب


وتقبل خالص تحياتي

[سيف العز]

ووجهك ابيض ياخوي ظاهر بن وهيب وغفر الله ذنبك وادخلك الفردوس الاعلى

وصح بدنك ووفقك الله على هالكلام الطيب والمرور الجميل
حفظك الله من كل شر