[جميل مساعد]

اليكم ... هذا النص عسى أن يحوز على رضاكم ... بدون مقدمات.. اليكم:

أهازيج كتبت في وطن ماعليه أغبار = وكلٍ تغنى باللحون الحجازيه
وأنا جيت أشارك مثل ما شاركوا شعار = عسى الله يعينك يالقلوب الشقاويه
على قلب واحد كلبونا عليه نغار =نلبي النداء لاجله ولاجله فداويه
يعيش الوطن سالم من الظلم والاشرار =يموت العدو من غير رحمه وماويه
كتبت القصيده شايش الراس من ماصار= ممّيل عقالي فوق غترة وطاقيه
ممّيل مثل ماميل الفارس المغوار=ابو المكرمات اللي جذوره نداويه
وحاكم حكم بالعدل ماهو مثل من ثار =وحبه لشعبه صار ميزه وماريه
حكم بالشريعه والشريعه حصن وستار=ماهو مثل منهو من حكم وأتبع غيه
وأذاقام لوح في يدينه يمين يسار= يبث الامل والعطف في قلوب منسيه
يعالج فقر شعبه بحكمه وقوله سار= مادام ان شعبي بخير انا ميه بميه
كريمِ اليّا منّه عطا بالعطا مدرار= شجاعٍ على وضح النقا سيرته حيه
ماتدرون... لاتدرون محدن ابد يحتار= أبومتعب الشامخ ولاحدن حكم زيه
تدوم المعزه والمحبه والاستقرار= على خير نبقى مع ملك صادق النيه
وهاذي بلادي منبع الخير والاخيار= بلاد الرساله والقيم والفروسيه
بلاد التسامح والتلاحم وعز الجار= ومنها سطع نور الهدى وأنتشر ضيه
ولب الحكي قصره ولوهضت بالمشوار = يكفيني اني عايشٍ بالسعوديه

شعر : جميل مساعد الرشيدي

الموضوع الأصلي: بلاد التلاحم والتسامح وعز الجار... اليكم | | الكاتب: جميل مساعد | | المصدر: شبكة بني عبس

[كاتب الرشيدي]

بيض الله وجهك ياجميل وكل ماتكتب جميل

صح لسانك على هذه الوطنية الراقية

تــدوم الـمـعـزه والمـحـبـه والاسـتـقـرار* على خير نبقـى مـع ملـك صـادق النيـه
وهــاذي بــلادي منـبـع الخـيـر والاخـيـار* بـــلاد الـرسـالـه والـقـيـم والـفـروسـيـه
بــلاد التسـامـح والتـلاحـم وعــز الـجــار* ومنهـا سطـع نـور الهـدى وأنتشـر ضيـه

[ذيبان الرشيدي]

وأذاقام لوح فـي يدينـه يميـن يسـار
يبث الامل والعطف في قلـوب منسيـه
يعالج فقر شعبه بحكمـه وقولـه سـار
مادام ان شعبي بخير انـا ميـه بميـه
كريمِ اليّا منّه عطـا بالعطـا مـدرار
شجاعٍ على وضح النقا سيرتـه حيـه
ماتدرون... لاتدرون محدن ابد يحتـار
أبومتعب الشامخ ولاحـدن حكـم زيـه
.
.
لله درك
يا بو مساعد ..
نص فعلاً .. يستحق الإحتفاء بِه ..
والإستمتاع بجلبته .. والتبحُر في ماهيته ..
فــ للهِ درُك .. على جمال .. ما أصطفتهُ يداك ..
.
.
دمت
بخير وعافيه

[جميل مساعد]

شكرا ياكاتب على المرور الطيب ... ولاهنت ... والله يوفق لما يحبه ويرضاه .

[محمد الراشد]

بيض الله وجهك ملحمه رائعه جدا

[عايد2001]

قصيده جزله من شاعر جزل
صح السانك وعتلاشانك