[مبارك الخميلي]

رديه متواضعه بيني وبين الشاعر الكبير عايد السندي <ابو صالح>

اتمنى ان تحوز على رضاكم

قصيدة عايد السندي

يابن الخميلي للرجاله تعليت +++++ انا اشهدنك يابيض الوجه وافي

نادوا لجزلات الرجاله وناديت ++++++ وجنك جزيلات الرجاله اردافي

اخترت منهن كل جزل وتنقيت +++++ اخترت جزله واحتقرت العجافي

طبع الرجاله فيك من يوم شبيت ++++ صدقان مابينك وبينه خلافي

يالاشقر اللي ماكره بالنواحيت ++++ لقيت بعض الناس غيرك عوافي

ردي على الشاعر عايد السندي

يامرحبابك يابو صالح وحييت +++ يابن الرجال اللي كرمهم يشافي

بالطيب ودروب المعالي لكم صيت ++++ نعم الرجال ولا عليكم خلافي

ياللي على كل المراجل تهقويت ++++ والمدح في شرواك ماهوب كافي

مدحتني وانا افتخر واستعزيت +++++ مشكور ياللي صغت حلو القوافي

لي الفخر يومن لمثلك تخاويت ++++ خوتك تشرا يالكريم السنافي

واسلم رعاك اللي فرض حجة البيت ++++ وعساك دايم يالسنافي متعافي

الموضوع الأصلي: الشاعر الكبير عايد السندي ومبارك الخميلي | | الكاتب: مبارك الخميلي | | المصدر: شبكة بني عبس

[مبارك الخميلي]

ارجو تنسيق القصيده ولكم جزيل الشكر

[كاتب الرشيدي]

صح لسانك ولسان عايد

صدى وصوت

بيض الله وجيهكم

[مبارك الخميلي]

الاخ كاتب صح بدنك
ولاهنت على مرووووورك

[فهد الرويضي]

صح السان الشاعرين على الابيات الجزله وشعراء غنيين عن التعريف

[مبارك الخميلي]

الاخ فهد الرويضي

صح بدنك ولاهنت