[الهوى الغائب]

السلام عليكم ورحمة الله وبركاته



آخباركم واحوالكم يآرب بآفضل حالِ
شفت موضوعْ مره عجبني وكثير مانشوفهْ او نسسمع عنهِ


على قولتهمِ


الحبر يخلص وقضايا مجتمعنا ماتخلص...،



الا هو(فلانة محجوزة لفلان ! مع أم ضد ؟)



..،..


(ياولدي بنحجز لك بنت فلان )
( يابنتي ترى ولد فلان حاجزك )


(

فلانة محجوزة لفلان )


_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها


_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..


ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..







من المذنب .في هذا كله. الشاب , الشابه , الأهل , العادات والتقاليد ؟؟


ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟



وهل هذا الشي موجود في عائلتكم ؟؟


وماموقفكم منه ؟؟


من وجهه نظري اشوف هالشيء غبي جدآ صح انها عند بعض العوائل عادهِ عندهم

بس كل شيء قسسمهْ ونصيبِ ..، اعرف وحدهِ محجوزهِ لولد خالها ولسى تنتظره للحين

وهو يدرس برا ويجونها خطآب ويردونهم حتى بدون ماتتدري ~

طيب..ليه..؟!

الموضوع الأصلي: فلانه محجوزه لفلان .....؟؟؟ مع ام ضد | | الكاتب: الهوى الغائب | | المصدر: شبكة بني عبس

[سيوف بني عبس]

انا عن نفسي ضد هالموضوع
لان البعض يكون غير موافق ع الزواج من الطرف لاخر
ويحدث عدم توافق بين طرفين وسؤ فهم ومشاكل ويبو بالفشل
ينهي الزواج بالطلاق ،،،


يعطيك العافيه

[صاحب العبسي]

عند البعض ........ هي ظاهرة قبلية متعارف عليهاالبعض قديما من باب التكاثر والتماسك العائلي أولا ثم القبلي من ناحيه.
ولعلها تكون حاضره الان لكن بصوره متفاوته .
لك خالص التحايا

[أحاسيس]

انا ضدها وبقوه لان البعض يكون غير موافق ع الزواج من الطرف لاخرويسبب الطلاق ومشاكل كثير
ويعطيك العافيه

[راسبه بالحب]

ياكثر الحجز ومايروح فيها الاالبنت *_*


تحير البنت من ولادتها وهي لولد عمها ولا ولد خالها لما يكبر الولد يقول مايبيها يبي فلانه !


طيب وبنت عمك الي جبروها اهلها واهلك بعد عشرين سنه يقول مابيها سلامات وينك من اول ليش ماقلت ماتبيها !


قسم بالله ظلم وياكثر ماصارت خلافات بين العوائل بسبب الحجز ..

انا ضدها *ْْ*

[الملاك]

انــــا ضـــده وبـــقـــووه ..

للاســـف النــــاس تـــطـــورت وللحـــيــن الــعـــاده هــاذي مــوجــوده ..

ولـــو تجــي وتــنــاقــشهــم بيــقــولون الــبـنــت مــالــهــا الاولــد عــمــهــا << ســـلامــات والــولــد والــبــنــت ويــن راآآيــهــم

يــعــطــيــك الــعــافــيــه خــيــتـو عـلى مــســاحــه الــحــوار الــتــي اتــحــتــيــهــا ...

[دانه]

انا ضدها واحسه انها جهاله

طيب حجزتها وانتظرتم لما تكبرو طلع الولد داشر ولا احد يبيه منو مسئوليته ويزوجونها ايه اهلها مستحيل او العكس اذا الولد مايبيها تتحطم البنت وهي متعلقه فيه

الاهل مايحسون فيهم ولا درو عنهم

اول ممكن انه فيه عطا علي قولتهم واذا كبرو يتزوجون بس هالحين لا كلن حر بنفسه وهذا احسن شي


ويعطيك العافيه اختي

[المشعل]

واكثر شيء يقهر الحجز بسن الطفووله .
تحصل الولد ماتعدي عمره عشرة سنين وهم يقولوا له ..بنت فلان لك محجوزه .
طبعا ضد هالشيء .
لأنه له مشاكل كثيره .
موضوع رائع ويعطيك العافيه ..