[ملهمه]

قالت لي كبيره دمعه المقهور واكبر دمعه اللي بالقهر رابي
انا شبيدي عليك تروح وتتركني اهوجس في ظلام البيت غزاله
ضيعت في طلعه الصياد ضناها والقمر خابي
انا شبيدي يا جرح مابعد يبرى اذا نزلت عليه اجروح
تريد اتروح وتخلي الالم وحده يتمخلى بي...

كثير دروب تاخذ خطوتك وتغيب ولكن مابتلقاني
الملم كل عشق السنين واتبرى من ثيابي...
ولا بتلقى مثل طيبه هلك بالناس ولا يعوضك بالوطن ثاني

انا شبيدي يا جرح مابعد يبرى اذا نزلت عليه اجروح
تريد اتروح وتخلي الالم وحده يتمخلى بي...

على كيفك على كيفك حليبك لازم يجيبك وكل
دروبك تردك الى بابي انا شبيدي انا شبيدي
عليك تروح وتتركني اجازي
حرقتي واصبر على مابي
انا اقدر اغالب في البعد جرحك واخلي العين تضحك للملى
والقلب مايدمع واقول للناس مهما غاب او طول ترى بيرجع
لكن مابتلقاني الملم كل عشق السنين واتبرى من ثيابي
واذا مال الزمان وشحت الدنيا اروح ارهنلك اشغابي اشم ريحه هلي
وابقى انا وابقى على انتظاري


*******************************


مساكم الله بالخير وشرفني تسجيلي وتواجدي بمنتدى هالقبيله العريقه

والعذر إن كنت بديت مشاركاتي بسؤال

استصعبت فهم الأبيات الملونه اعلاه وياليت أحد يشرحلياها لا هنتو

الموضوع الأصلي: دمعة المقهور | | الكاتب: ملهمه | | المصدر: شبكة بني عبس

[أثير الشوق]

ياهلا ومرحبا وشكرا عالابيات

[ملهمه]

أهلين ومرحبتين أثير


الظاهر انك ما قريتي سؤالي

[متعب الشعباني]

مرحبا اختي ملهمه حياك الله بمنتدانا وبالنسبه للمعنى انه انك بتروح بدربك ولاتلقاه وهو من جروحه يتبرى م ثيابه
وانك ماتلقى الطيبه الأ من هلك القريبين اللي يخافون عليك
زتمنى اني وفقت بالتحليل والله اعلم تقبلي مروري وتحياتي دمتي بووووووووووووود

[سعد محمد]

أولا / ـأهـلاً و سهلاً بـك

وكم يسعدنا ويشرفنا أنظمامك معنا

وعلى الرحب وسـعـه بين أخوانك وأخواتك ...

وبنسبه لموضوعك لـم أفـهم عليه مـادري هـي خاطرهـ أم قصيدة
ولـكـن . . !

ننتظر بقيه الأعضاء .