[الزعيم..]

قصييده شاعر لحبيبته يوم فرحهايوصي عريسها عليها

أبد .. ما جيت ابارك ولكن جيـت باوصّيـك
............ ......... ..على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
…............ ......... .قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
............ ......... ...نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
…............ ......... .كذا لازم عشان تفوز إنت .. أخسر بتجربْتـي
تراها غاليه جـداً .. وتكفـى .. والله يخليـك
…............ ......... ..تـدللها .. تدلعهـا ... تنسّيـهـا مصاحبْـتـي

أنا من كثر ما اغليها أحس اني بديـت اغليـك
…............ ......... ..ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
…............ ......... ...لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
…............ ......... ...وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
…............ ......... ....وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك …............

......... ....تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
…............ ......... ....ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
…............ ......... ....وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
…............ ......... .....يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
…............ ......... .....تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
…............ ......... ......ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك …............

......... ......دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
…............ ......... .....أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
…............ ......... .....ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
…............ ......... ....أخاف انّـي إذا قلتـه تقـوم وتقطـع رْقبْتـي

الموضوع الأصلي: قصييده شاعر لحبيبته يوم فرحهايوصي عريسها عليها | | الكاتب: الزعيم.. | | المصدر: شبكة بني عبس

[الاجهر]

طيب ليه ما خطبها قبل تزوج اذا كان فعلا يحبها 000 هذا على قولت المثل تركها عين وراح يطلبها دين 000
هههههههههه
شيبوب تقبل تحياتي

[ولد الشرقية]

اللي نبيه عيا البخت لايجيبه !!
مشكوره شيبوب ع النقل الرائع .

[الزعيم..]

شرفتني الاجهر ..

بمرووووك الرائع.

اسعدني توواجدك

وأثلج صدري

يعطيك العاافيه

[الزعيم..]

والد الشرقيه.

حضووورك الرائع

يعطيك العاافيه

على المروووور

[اميره الرشيدي]

على قدر اهل العزم تاتي العزائم

وتاتي على قدر الكرام المكارم


يعطيك العافية ع النقل

[كحيلة]

الله الله..
اختيار موفق راق لي بالحيل..صح الله لسان شاعرها..وتسلم اخوي شيبوب ع النقل الطيب..
مشكووور..ولاخلا ولاعدم..

[احمد منيف]

ترى لولا الظروف اللي عطتْك وحدّت محاكيك …............ ......... .قسم بالله ما تدخل عليهـا لـو علـى رْقبْتـي ولكنّ النصيب اقوى ولا ادري ويش اسوّي فيك ............ ......... ...نعم .. صارت معزّبتك .. ولا صارت معزّبْتي

صح الله لســـان شاعرها..

وقصيدة طيبه وراقت لي بالحـــيل..

تسلم يابعدي ..

لاخلا ولاعدم..