[عقيد المدرهمات]

بعد أن تطاول جاسم الحربي على أفضل مهاجم سعودي وخليجي وعربي

شاعره نصراوية أسمها ( الجفول ) ترد عليه وتقول في قصيدة رهيبة وعجيبة ومميزة وجزله :

سلام ياداري من قريّب النيل
ياللي شعارك معصمٍ في يديه

من خارجك أرسل تحية وتبجيل
للنجم الأول بالديار العذية

المرعب،المفزع كثير المحاصيل
الشامخ ،الراسي حلايا سميه

المجد باسمه عن كثير الأقاويل
نال الشرف من هامة ماجدية

جاني خبر قالوا تعدى على المِيل
الصفر الأصغر بالعلوم الدنية

من علمك ياهيه شرب الفناجيل.؟!
من علمك تقلط على الأولية.؟!

ماكل رجالٍ يناطح رجاجيل
الفعل يفرق بالرجال النقية

توك قبل عامين ذلِيت تذليل
في ليلة ماهي علينا خفية

يانابحٍ بالقاع ماتاصل سهيل
إليا طلع سال الحسا والحوية

وسيّل ديارٍ مبطية عن مدى السيل
وعلوا جميع الخلق من حلو ميه

وإلا أنت ماعندك سوى قالوا وقيل
وأخذت لك فيها دروسٍ قوية

على الهواء ماهو تفبرك وتسجيل
ذلّك كبير القوم ياحي حيه

عقّلك بلسانك كما تعّقل الحيل
وبكبرها ضاقت عليك المدية

الفلسفة ضاعت والأستاذ تنبيل.!
يالله دخيلك ياولي البرية

ولك عين تتكلم على قدوة الجيل.!
وجهك وسيع وضاريٍ (للطرية)!

منت بكفو تنطح زعيم الحلاحيل
لاقيل ماجد قوم طق التحية

تاريخه أبيض غض ماجاه تجميل
ولاتخدشه شلة خكر سرسرية

نجمٍ نجم ماهوب رقعة وتكميل
لطام سادات السلوك الغبية

عطية الرحمن طب المغاليل
فكاك عسرات الأمور العصية

معذب الحراس بالحط والشيل
وحناجر التعليق راحت ضحية

اسطورة ماهو تصنع وتمثيل
قليل بالعالم أساطير زيه

ماجمله نزف القلم والتحاليل
تطلق حجاجه سيرة لؤلؤية

البيض لعيونه شدن بالهلاهيل
واهل البشوت استحلوا السامرية

عم الفرح والمجد يمطر هماليل
ومن قبل ماجد ماذكرنا بجية

مسلم سعودي رمزه البن والهيل
صيته معطر بالفعال الزكية

فعله يخبرونه نجوم البرازيل
اللي يعدون السنع والخطية

والا أنت ياجسوم يانسخة الفيل
حدك تكلم بالعصا و(المطية)

ياممرن الحراس ياناقص الكيل
ياجهل يامغموس بالعنصرية

لحية فلس يابارد الوجه والحيل
يابو سوالف تافهة عربجية

تبقى على الهامش وتبقى بعد ذيل
ويبقى كلامك جملة حائطية

والله يالولا العيب لاعطيك تدليل
حقايقٍ عنك ولا هي فرية

أقولها حبة بحبة بتفصيل
وأرد لك صاعك بصاعٍ جرية

بس (أنت وأشكالك) تكفي عن القيل
لاقلت هذي قلت تكفيك ذية.!





الــجــفــول

الموضوع الأصلي: شاعره نصراوية ترد على ممرن الحراس | | الكاتب: عقيد المدرهمات | | المصدر: شبكة بني عبس

[آهــذريــبــك]

صح لسانه الشاعرة الجفول

وسلمت يديك على النقل عقيد
وهذا جزاء من يتطاول على الاساطير

[محمد الراشد]

يستاهل من يدافع عنه
تاريخ مرصع بالذهب
قصيده رائعه جدا
سلمت يمينك

[فايزة الرشيدي]

صصصصصصصصصصصصحححح السانها شاعرة عظيمة وخطيرة

شاعرة عالمية