[ماجد رقيش]

قصيده يطلب فيها من زوجته السماح بالزواج من اخرى والزوجه ترد بقصيده عليه



الزوج :

يالله يامن لك مقاليد الامور ........... تفكّها الليله مع امّ العيال

للخير تهديها وتسمح بالعبور ........ بروح رياضيه ومن دون اقتتال

ياام العيال انتي حياتي والزهور .... وحبي الاوّل وما مثلك مثال

أريد ترتاحي وتهني بالسرور ........ فقلت اتزوّج واترك لك مجال

تعاونك بالبيت ماقصدي غرور ....... وتحت امرك كل حاجه وامتثال

تهتم بأطفالك وتصليح الامور ....... والقصد ترتاحي وما القصد احتيال



ردت عليه الزوجه :



حركات معروفه وتصريفة مرور ...... فهمت مقصودك وهذا شي محال

وكيف تنساني وتجرح بالشعور ........ وكيف تنسى عهدنا يوم الوصال

أفا عليك ويش التنكر والفجور .......... العيب والنكران من طبع الرجال



الزوج:



مايعلم الا الله ماتخفي الصدور .......... وهل يضر الشمس ان يأتي هلال ؟

القصد ترتاحي وفي احسن قصور ....... لاتزعلي منّي وخلي الانفعال

لايمكن انساكي على مرّ العصور ......... وعـود اقطعها وماهي احتمال

والقصد ترتاحي وماقصدي فـتو ر....... مالك نظير بالحسن او باقي الخصال

وامسيت اراودها والغيت الكسور ........ حبيبتي ليش الحزن والدمع ســـال



ردت عليه الزوجه :



لايمكن اقـناعي ولو تجلس شهـور ......... اعذار تصريفه ولو تضرب مثال

العيش اهـون لي مع اهل القبور ............. يشهد على قولي الهي ذي الجلال



الزوج



مادام ذا قولك فهاتي بالعطــور ............. الامر أصبح جـد ماهو بالهـزال

وزيّني بيتي وزيديها بخـــــور .............. بكره أنا وعــدي مع بنت الحلال

الحـب لك باقي وفي قلبي يمـور ............. الى هنا اختم وهـل باقي سؤال ؟

لك وعد منّي ماتشوفي من قصور ........... أو ميل منّي قـد يسبب إنشغال

والعدل واجب ماأفكّر بالمهور ............. بالعدل اوصى ربّنا في كل حال

أبني اخوه بينكن واربط جسور ............ ممنوع شامخ مايزلزل كالجبال

الزوجه الاولى لها حبي ونور .......... ماعاش من ينوي على قطع الوصال



ردت عليه الزوجه وهي راضيه :



مادام قــد جدّيت راقب رب غفور ....... نفسي تكون البنت في احسن خصال

مبروك ياممنوع وتم الله سرور .......... مني هدية ورد , شمّاغه وشال

لكن احذّر ان يصير لك حد سور ......... او تبتعد عني ومالي بك منال

والختم صلى الله عدد نوح الطيور .......على محمد قدوتي صاحب بلال

الموضوع الأصلي: قصيده يطلب فيها من زوجته السماح بالزواج من اخرى والزوجه ترد بقصيده عليه ...؟؟.. | | الكاتب: ماجد رقيش | | المصدر: شبكة بني عبس

[امبرطورة بني رشيد]

مادام قــد جدّيت راقب رب غفور ....... نفسي تكون البنت في احسن خصال مبروك ياممنوع وتم الله سرور .......... مني هدية ورد , شمّاغه وشال لكن احذّر ان يصير لك حد سور ......... او تبتعد عني ومالي بك منال والختم صلى الله عدد نوح الطيور .......على محمد قدوتي صاحب بلال

صح لسانك لو ثورتي في راسه كان احسن >> متأثره


عوافي على الطرح والله يصلح احوال المسلمين والمسلمات

[ناصر الرشيدي]

هههههههه

تسلم ماجد ع الطرح

[سيوف بني عبس]

بصراحه مدري شقوال لا ان الزوجه مو بكامل قوها العقلية
لا تفرحون تر من صدمه قالت جذيه
مبروك ياممنوع وتم الله سرور .......... مني هدية ورد , شمّاغه وشال

مشكور اخوي ماااجد

[دانه]

وكيف تنساني وتجرح بالشعور ........ وكيف تنسى عهدنا يوم الوصال

أفا عليك ويش التنكر والفجور .......... العيب والنكران من طبع الرجال

صح السانك

بس مادامها وصلت من باعك بيعه

انشهد ما ارضي لو علي موتي وان وصلت وجابها لتكون نهايته

والي ترضا ان زوجها يبدلها بوحده ثانيه والله انه ماله غلا بقلبها والغالي مستحيل تشوفه مع واحدن ثاني
مشكور اخوي ماااااااااااجد ماتجيب الا عن زواج الرجال من زوجه ثانيه الله يعين زوجتك عليك يارب ههههه

[بشيرالشويلعي]

قصيدة مؤثرة وترجمة فعليه ولكن تبقى محاولة بعيده عن الواقع 0

[ماجد رقيش]

اقتباس من مشاركة دانه وكيف تنساني وتجرح بالشعور ........ وكيف تنسى عهدنا يوم الوصال أفا عليك ويش التنكر والفجور .......... العيب والنكران من طبع الرجال صح السانك بس مادامها وصلت من باعك بيعه انشهد ما ارضي لو علي موتي وان وصلت وجابها لتكون نهايته والي ترضا ان زوجها يبدلها بوحده ثانيه والله انه ماله غلا بقلبها والغالي مستحيل تشوفه مع واحدن ثاني مشكور اخوي ماااااااااااجد ماتجيب الا عن زواج الرجال من زوجه ثانيه الله يعين زوجتك عليك يارب ههههه

بصراااحه انا احب زوجتي ولا ابي اتزوج عليها ..من من من المستحيلات؟؟؟؟؟؟
تسلمين ع المروور

[ماجد رقيش]

اقتباس من مشاركة امبرطورة بني رشيد صح لسانك لو ثورتي في راسه كان احسن >> متأثره عوافي على الطرح والله يصلح احوال المسلمين والمسلمات

مشكوره ع المرور