[أبونواف]

قصيدة مؤثره

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت ياحمدان امك تناديك=وراك ماتسمع شكاياوندايا
يامسندي قلبي على الدوم يطريك=ماغبت عن عيني وطيفك سمايا
هذي ثلاث سنين والعيـن تبكيـك = ما شفت زولك زايـر يـا ضنايـا
تذكر حياتي يـوم اشيلـك واداريك = والاعبـك دايـم وتمشـي ورايـا
ترقد على صوتي وحضني يدفيـك = ما غيرك احدٍ ساكن فـي حشايـا
واليا مرضت اسهر بقربك واداريك = ما ذوق طعم النوم صبـح ومسايـا
ياما عطيتك من حنانـي وبعطيـك = تكبـر وتكبـر بالأمـل يـا منايـا
لكن خساره بعتني اليـوم وشفيـك = واخلصت للزوجه وانا لي شقايـا
انا ادري انها قاسيـه مـا تخليـك = قالت عجـوزك مـا ابيهـا معايـا
خليتني وسط المصحه وانا ارجيك=هذا جزا المعروف وهـذا جزايـا
يـا ليتنـي خدامـة بيـن اياديـك = من شان اشوفك كل يوم برضايـا
مشكور يا ولدي وتشكر مساعيـك= وادعـي لـك الله دايـم بالهدايـا
حمدان يا حمـدان امـك توصيـك = اخاف ما تلحق تشـوف الوصايـا
اوصيت دكتور المصحه بيعطيـك =رسالتـي واحروفهـا مـن بكايـا
وان مت لا تبخل علـي بدعاويـك = واطلب لي الغفران وهـذارجايا
وامطرتراب القبربدموع عينيك =ماعاد ينفعك الندم والنعايا

(حسبي الله ونعم الوكيــــــــــــــل)
الله يكون فعونها آميــــــــــــــــن

الموضوع الأصلي: قصه حزينــــــــ(وقصيدتها)ــــــــــــــــــ ــــه | | الكاتب: أبونواف | | المصدر: شبكة بني عبس

[عايض بن صالح]

جزاك الله عنا كل خير

على هذه الموعضه

التي تندا لها القلوب

تحياتي

[سعد الشقل]

لا حول ولا قوه الا بالله

يعطيك العافيه علىى القصيده الحزينة

[أبونواف]

مشكورين وماقصرتم

[مـآجـد]

لاحوووول ولاقوة الا بالله...حسبي الله ونعم الوكيل عليه...

مشكوووور اخوي ابو نواف على هذا الطرح المؤثر...

تقبل مروري

[الغريب]

اه والله قلبي تقطع من ام حمدان الله يرد ولدهاء عليهاء
قصيده حزينه

[أبونواف]

اقتباس من مشاركة مـآجـد لاحوووول ولاقوة الا بالله...حسبي الله ونعم الوكيل عليه... مشكوووور اخوي ابو نواف على هذا الطرح المؤثر... تقبل مروري

مرورك منور اخوي ماجد

[أبونواف]

اقتباس من مشاركة الغريب اه والله قلبي تقطع من ام حمدان الله يرد ولدهاء عليهاء قصيده حزينه

الله يعطيك العافيه والله لايهينك على الطله الحلوه