[رشيد]

.

الشوف ياعيد بعض احيان يغريني

واصدّ عن مغريات النفس بالعاني
.
اشوف شيٍ مثل ورد البساتينـي
اللي تحصّل بها من كل الالوانـي
.
واكبح جموح المشاعر لاعبث فيني
كن المشاعر فرس واخلاقي عناني
.
كم لي عن العشق هاجدةٍ شياطيني
وقفّلت عن مايثير النفس بيبانـي
.
ولو يتبع القلب ماتطرب له العيني
كان انتهابي طريق العمر مامدانـي
.
والعمر يمضي وغنّت لي ثلاثينـي
راحت تداحم سنينه واخره فانـي
.
خليت دربٍ مشيته بينك وبينـي
ياحادي العيس جاني منْك ماكفاني
.
أنا خويك على العادات والدينـي
لاحتجت شفني على يمناك تلقاني
.
والشعر هذا على الفطره مخاوينـي
من ذقت طعم الحياه وسبّح لساني
.
احس فيه المـلاذ اللـي يدفينـي
عن برد جرد السنين اليا تبلانـي
.
اشقيه لاحتجت له واحيان يشقيني
الين يروي قراحه كـل ضميانـي
.
حتى حسدوني عليه أكثر محبينـي
وأنا اللي اعدهم من حسبة اخواني
.
كم واحدٍ يبتسم لي واثره بطينـي
وانا على نيتي وسلـوم جدانـي
.
اعامل الناس بالمعـروف واللينـي
وحب فعل الجماله كثر عدوانـي
.
اللي تفضّو لشذبـي بالدواوينـي
وشفني تعديتهم واحد ورى الثاني

.
..

الشاعر : نهار بن ممدوح

..

.

الموضوع الأصلي: جموح المشاعر | | الكاتب: رشيد | | المصدر: شبكة بني عبس

[احمد منيف]

صح الله لســـــــــان شاعرها :)

[مذكر الرشيدي]

صح لسان الشاعر : نهار بن ممدوح

ولاهنت أحمد منيف على النقل فكما عوتنا على ابداعاتك ونقلك الرائع وقصائدك لله درك

[عايد2001]

صح السان شاعرها
ولاهان ناقلها