[سحايب]

تبعدك الايام و يجيبك شعورٍ صدوق
و القلب لامن نوى طاريك كله نوى

ليلة فراقك شعرت اني بليا خفوق
و اللي قوى جور وقته يومها ما قوى

ما كان لي حيل اوقف بس وقفت ذوق
ما ودي اجرحك حتى في وداع الهوى

ضاقت بي الناس و الدنيا و كل الخلوق
و العاذل اللي ضما دمع الحبايب روى

هليت دمعٍ من الضيقة لمثلك يلوق
و سجيت في ليلتي حتى نهاري ضوى

دمعٍ نثرته على فرقاك يا شوق شوق
و دموع الانسان ما هي في حياته سوا

يالغالي اللي نسيت انساك بين الطروق
و اليا ذكرتك حيا وردٍ بصدري ذوى

و يا اللي تقدي بنور الخد نور البروق
و يا اللي بشعرك طويت الليل حتى انطوى

غالي و لك في حياتي كل لحظه شروق
و لك بخيالي قصيدٍ شامخٍ ما هوى

الله على الشعر يوم انه بعالي العذوق
من قبل لا ينقطف طلعه و هو ما استوى

من قبل لا يصير سلعه في يدين السروق
و يصير مستشعره شاعر و صاحب لوا

و اليوم شعري كثير و حابسه بالعروق
اخاف ينزف و لا يلقى لجرحه دوا



راقت لي واتمنى ان تروق لذوائقكم

الموضوع الأصلي: ما كان لي حيل اوقف بس وقفت ذوق .... | | الكاتب: سحايب | | المصدر: شبكة بني عبس

[بندر الشويلع]

صح لسآن شاعرها وتسسسسسسلم يمين نآقلها
وختيآر موفق
وشكراً ع النقل المميز

[سحايب]

اقتباس من مشاركة بندر الشويلع صح لسآن شاعرها وتسسسسسسلم يمين نآقلها وختيآر موفق وشكراً ع النقل المميز

صح بدنك ومشكوراسعدني مرورك

[ماااعندي نك]

روعــــــــــــــــــه وذوووووق

[سند الداموك]

وراقت لي أيضا

شكرا دمعه على كُل شئ

[أمـــير بـكلمتي]

مما راق لي ايضاً

الله يعطيك العافيه

[سحايب]

اقتباس من مشاركة ماااعندي نك روعــــــــــــــــــه وذوووووق

الروعه مرورك مشكوره قلبو لاهنتي

[سحايب]

اقتباس من مشاركة سَنَدْ الدّامَوَكْ وراقت لي أيضا شكرا دمعه على كُل شئ

لعفو سند مرورك اسعدني لاهنت