[ابو شرق]

مساكم الله بالخير يالربع بدون مقدمات انا رجال عشقت فطيما الله لا يعيدها وتولعت فيها والحقيقة انها من رجال فيهم خير ونسبهم يشرف واخوها ومليون نعم واليوم يالربع ابي اللي يقدر منكم يتوسط لي عند البرمكي تكفون ياعبس واخص العمدة والزيدي وابالخلاء نبا نخطب من الكاولي وانا مسوي بويتات اسمعوهن انتم وياه الله لايهينكم (على الله يثمر)


من ديرة ابن حسين شرقي سراييل= دار الشريف اللي يحيي الطراقي
يالكاولي جينا على قرح الخيل=قب الاصايل مدركات السباقي
جيناك ياملفا زحول الرياجيل= ياللي صدا صيتك تعدا العراقي
يامثني الترحيب يامقلط الحيل=لضيوفكم بمثولثات الحلاقي
ياللي بغاديدك بها يذعر الهيل=وفيها لعصمان الشوارب مذاقي
جيناك مانرسل عليكم مراسيل=النا لزوم ن تقدره يالشلاقي
جينا نخطب ام الرموش المظاليل=بنت النشاما طيبين العماقي
يازين طرحتها ليا دلقس الليل=بالخيمة اللي ماعليها رواقي
ويازينها بين البهم والمخاليل=تمشط شعرها في عبيس النياقي
بالديرة اللي جعل وبل المخاييل=يروي ثراها من صدوق ن حقاقي=
وليا كتبتوا لي على ام المجاديل=وجينا بكل اللي تبا من صداقي
نذر ن عليه واشهدوا يارياجيل=انه ملاك ن مايعقبه طلاقي


وسلامتكم

الموضوع الأصلي: يالبرمكي جينا على قرح الخيل | | الكاتب: ابو شرق | | المصدر: شبكة بني عبس

[يعقوب العبسي]

ابو شرق عينى انا البرمكى يقول انى انا وكيله اريد ارد عنه بالنيابه ويش رايك عينى ارد والا لا

[ابو شرق]

يالعبسي السالفة ماهي رد ولا لاترد السالفة حب وعشق ومهاواه هههههههه
هذه خطبة مافيها لعب
وانا اسمحلك ولكن ياليت يكون في ردك واسطة لي عند البرمكي

[السيف القاطع]

بيض الله وجهك يابو شرق قصيده شاعر عنده خبره وان موافق البرمكي ماعنده سالفه

والك عندي ثنتين الاوله ان وافق مهرها علي

والثانيه كانك امتولع معها وبغيها صدق

النزورها وناخذها وخوها نايم ولاعند العمده اهم شي ابشر ابعزك وانا امتكد ان بني رشيد كلها معك

[ابو شرق]

اقتباس من مشاركة السيف القاطع بيض الله وجهك يابو شرق قصيده شاعر عنده خبره وان موافق البرمكي ماعنده سالفه والك عندي ثنتين الاوله ان وافق مهرها علي والثانيه كانك امتولع معها وبغيها صدق النزورها وناخذها وخوها نايم ولاعند العمده اهم شي ابشر ابعزك وانا امتكد ان بني رشيد كلها معك

وجهك ابيض وعلمك ابيض
ولكن وان اخوك انا رايح وطي مع هالعراقية وابغاها فيما حلل الله
ولا ابا منك شيء ابد الا انك توسط لي وتسلفني وتحظر الحفل وبس

[قطاع الفيافي]

اسمع يبو شرق البرمكي مايجوزك ياغير تجيبله راس العمده مهر هههههههههههه
اعرفه بينكبك ولاكن لاتشاور تراك عاشق هههههههههههههه

[يعقوب العبسي]

اقتباس من مشاركة ابو شرق مساكم الله بالخير يالربع بدون مقدمات انا رجال عشقت فطيما الله لا يعيدها وتولعت فيها والحقيقة انها من رجال فيهم خير ونسبهم يشرف واخوها ومليون نعم واليوم يالربع ابي اللي يقدر منكم يتوسط لي عند البرمكي تكفون ياعبس واخص العمدة والزيدي وابالخلاء نبا نخطب من الكاولي وانا مسوي بويتات اسمعوهن انتم وياه الله لايهينكم (على الله يثمر) من ديرة ابن حسين شرقي سراييل= دار الشريف اللي يحيي الطراقي يالكاولي جينا على قرح الخيل=قب الاصايل مدركات السباقي جيناك ياملفا زحول الرياجيل= ياللي صدا صيتك تعدا العراقي يامثني الترحيب يامقلط الحيل=لضيوفكم بمثولثات الحلاقي ياللي بغاديدك بها يذعر الهيل=وفيها لعصمان الشوارب مذاقي جيناك مانرسل عليكم مراسيل=النا لزوم ن تقدره يالشلاقي جينا نخطب ام الرموش المظاليل=بنت النشاما طيبين العماقي يازين طرحتها ليا دلقس الليل=بالخيمة اللي ماعليها رواقي ويازينها بين البهم والمخاليل=تمشط شعرها في عبيس النياقي بالديرة اللي جعل وبل المخاييل=يروي ثراها من صدوق ن حقاقي= وليا كتبتوا لي على ام المجاديل=وجينا بكل اللي تبا من صداقي نذر ن عليه واشهدوا يارياجيل=انه ملاك ن مايعقبه طلاقي وسلامتكم

حياالله اللى يستحق الفناجيل=العاشق اللى مايحب الفراقى

ماهو بدنيا شاف منها البهاذيل=ولاهو مدور فالمحبه نفاقى

حبه يزود ويسرى الهم بالليل=حب الشرف مافيه عيب وعواقى

ابشر بفزعة طيبين الرجاجيل=اهل الوفا والعز والفكر راقى

ماهى بفزعة واحدن كدش وحبيل =يجيب مابه لاصفقته طراقى

وكان الغلا مجتاح قلبك مع الويل=اقف معك لو هو على كسر ساقى

ابيع هافى لجل عين الحلاحل=واكمل الباقى ولافيه باقى

لين القلوب البيض تسبح مع النيل=ونفوسكم تهدا وازيل الحماقى

ياما تواعدتم على فترة الحيل=مافيه فرقا لين ابين الزراقى
اضرب وصالك واظرب الخيل بالخيل=وارحم خفوقك واعرف الحظ فاقى

[قطاع الفيافي]

يعقوب العبسي ويبو شرق صو السنتكم شعار جزلين