[معيوف ابن زهيميل]

المحاورة

الجحش:

يابن زهيميل دوبه شعشع النور =والنورمعروف جلاي الضلامي
معيوف معيوف شاعرعنده شعور=يستخرج المخ من جوف العظامي

معيوف:

الجحش يشره يحط بظهره الكور=أملس ظهر ما يشد به الحزامي
الله يسلمك من شهّادة الزور=لو كان ما نعتبر فيها سلامي

الجحش:

العلّه اللي تعجّز كل دكتور = لقمة نغص مايحدّرها الطعامي
عشرين ليله وهي في داخل الزور= ون نمت تسرق من عيوني منامي

معيوف:

اصبر على علتك لو حملها جور=ضاموك فيها كذا عيال الحرامي
اموات اهلها وهي حيه من اعصور=ان نمت عامين معك او نمت عامي

الجحش:

البيت حوله حرس والبيت مهجور = ونص الحرس مايعرفون النظامي
القبرفيه آدمي فالقبرمقبور= ويطلعونه ويرمون الحرامي

معيوف:

معذور راع العيون العور معذور=الناس تفطر وهو بالعكس صامي
القبر فيه آدمي بعيونه العور=عاري على ذمته جوعان ظامي

الجحش:

عسى بعيرن برك فالحمل مايثور= ون ثاريصبح بعيربلاسنامي
مدام عذرك دوامك فأنت معذور=ميرانتبه لاتنام إعن الدوامي

معيوف:

عسى الجحش يمسكه ناصر للمنصور=صوْمع باذانيه مقطوع الرسامي
سر الآمانه من المأمون منشور=مرسال فارس بني جحشان شامي

الجحش:

لو الجحش يلزمك في فيّة الطور=مالحقك الخيل مع قاع النعامي
ماني على النفي والتأكيدمجبور=مأنته محقق وانا ماني حرامي

معيوف:

هذا الجحش بالركاس يلف ويدور=الله هو اللي يسمي بالاسامي
مافيه شيءٍ عنك ماهو بمخبور=تكرم مدينة لاجل عين الكرامي

الجحش:

ماجورمن يعترف بالحق ماجور= ولاإنها رمية (ن) من غيررامي
حاولت اشيّدفلل وأشيّدقصور= لكن ماهي لايقه بم الحمامي

معيوف:

وش حيلة اللي حداه الضيق يالسور=غير الحدم ، غير عظه للبهامي
مشكور يا معلم الاجيال مشكور=انا اشهد إنك على غاية مرامي

بيض الله وجه الجحش

الموضوع الأصلي: الجحش........وابن زهيميل.................؟؟؟ | | الكاتب: معيوف ابن زهيميل | | المصدر: شبكة بني عبس

[الجحش]

معيوف

معذور راع العيون العور معذور
الناس تفطر وهو بالعكس صامي
القبر فيه آدمي بعيونه العور
عاري على ذمته جوعان ظامي

الجحش

ماجورمن يعترف بالحق ماجور
ولاإنها رمية (ن) من غيررامي
حاولت اشيّدفلل وأشيّدقصور
لكن ماهي لايقه بم الحمامي

البوت هاذي كان هذا فتلها وهذا نقضها وليس كماهي بالتنسيق 00 انا متأكد يابوزهيميل وأضن الخلل كان مني انا شخصيأ

[معيوف ابن زهيميل]

اقتباس من مشاركة الجحش معيوف معذور راع العيون العور معذور الناس تفطر وهو بالعكس صامي القبر فيه آدمي بعيونه العور عاري على ذمته جوعان ظامي الجحش ماجورمن يعترف بالحق ماجور ولاإنها رمية (ن) من غيررامي حاولت اشيّدفلل وأشيّدقصور لكن ماهي لايقه بم الحمامي البوت هاذي كان هذا فتلها وهذا نقضها وليس كماهي بالتنسيق 00 انا متأكد يابوزهيميل وأضن الخلل كان مني انا شخصيأ

انا نسقت المحاورة بالترتيب كماهي لكن لاأدري كيف جات هذه الفجوة ،،،