ضــع اعــلانك هنا
 |
الملاحظات
|
|
خيارات الموضوع |
بنت تطالع شاب بعين قويه ومانزلتها!!!
السلام عليكم ورحمة الله وبركاته جبتلكم اليوم مووضوع جداا رااائع وان شاءالله ينال اعجابكم... بنت تطالع شاب بعين قووية الرجال طلع شاعر وما قصر فيها كم بيت عشان تتأدب لكن المفاجأه هي ........!! وش صار 7 7 7 7 7 تابعوا القصيدة  يقول: كل شبر بهالوسيعـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون يالكفيفة يالعفيفـة إن قلـت آسـف تقبليـن؟؟ يغفر الله ذنوب عبده ليا خطا وهـل تغفـرون؟؟؟؟ لاشك أن لكل موقف دروس مستفادة وما رأيته كان كالتالي: 1/ حسن الظن بالآخرين وعدم تقديم الشر قبل الخير على سبيل المثال أحدهم يرد عليك بسوء قد لا يكون مقصده كذلك ربما أنه يفتقد أبجديات الحوار أو أنه لا يستطيع إيضاح فكرته بالطريقة المطلوبة قد يكون جاهل غير متعلم قواه العقلية لا تمكنه من التعبير ....الخ .( يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ ) 2/ لنتثبت قبل إطلاق الأحكام قال الله تعالى : { يَا أَيُّهَا الَّذِينَ آمَنُواْ اتَّقُواْ اللّهَ وَكُونُواْ مَعَ الصَّادِقِينَ }[التوبة:119]. 3/ الإنطباع من أول نظرة ليس بصحيح . 4/سوء الظن بأهل الشر والفساد وهذا مطلوب ؛ لأنه يسبب الابتعاد عنهم وبغضهم 5/الله جل جلاله أنعم عليك بالبصر وغيرك يفتقدون هذه النعمة العظيمة فقد أغمض عينيك واستحضرها وأشكر الله على ما آتاك ولا تعصيه بها ولا تنسوا دعاء شكر النعمة فمن قاله في الصباح والمساء فقد أدى شكر ليلته اللهم ما أصبح / اللهم ما أمسى بي من نعمة او بأحد من خلقك فمنك وحدك لاشريك لك لك الحمد ولك الشكر . لا تنسونااا من ردوودكم فردودكم يزيد موضوعي جماااال.. سكــره </B></I>
|
|
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| قويه | همس القوافي 444 | منتدى الشـــعــــر | 2 | 05-09-2009 11:39 PM |
| قصة بنت كانت تطالع واحد بعين قويه!!!!!! | أثير الشوق | المنتدى الأدبــــــــــــي | 8 | 09-05-2009 02:42 PM |
| وش فيك تطالع تستهزي "عمى بعينك: | خلهم ينفعونك | منتدى الصوروالفيديو والسفر والسياحه | 6 | 01-03-2008 11:25 PM |
الساعة الآن +4: 04:12 AM.
جميع الحقوق محفوظة شبكة بني عبس
