[خليف الوهيداني]

دنياك يالادمي مهما حييت ابها=فقير والا غني ماهي بامضمونه
ولو انت حاكم بلد بالعمر عشتبها=الموت حاصل ولا لك صدت(ن)دونه
لاكن في هالحياه عمال تكسبها=لدنياك والاخره والنفس مرهونه
النفس مرهونت(ن)بعمال صاحبها=والغيب عند الذي خلقه يعبدونه
وبيديه الاعمار والارزاق يكتبها=ويشوف خلقه ويدري وش يسوونه
وحسنه وسئيه رفيع الشان حاسبها=والرجل من يكسب الناس ويعزونه
وكلمت لسانه قبل تطلع يراقبها=والغيب خافي وصعب الناس يقرونه
بس الكتابه تبين قصد كاتبها=وابليس له ناس بالدنيا يحبونه
ناس(ن)عسا الله يفنيها ويذهبها=يامر عليهم وهم لامره يطيعونه
ناس(ن)تشت على شانه اقاربها=وياوموقع اهل الوفا تكفون تحمونه
من قرب ناس(ن)خبيثات(ن)مذاهبا=والمستعاره اسماهم لا يطبونه
قلابة الحكي جعل الله ينكبها=اللي يقولون شين مايشوفونه
ودايم علوم الردا منهم سبايبها=دنيا تهول بها صلفه وملعونه
ناس(ن)تولف علوم(ن)مادريتبها=وقلوبها بالحسد والحقد مدفونه
اليوم حتى الرجل عينه يكذبها=هذا زمان السباع اللي يقولونه
الشاه تلعب مع الذيب ويلاعبها=والرجل دقنه مع الاشناب محسونه
ولاباقي الا المره تفتل شواربها=ياجيش الافكار فك الشعر وجنونه
ورسل معانيك لهدافي وصوبها=وشلع صروس المريض وركب سنونه
وعطه التكاليف قبل انك تركبها=ولا ينهي الوضع من يمشي على هونه
ولايعرف الخيل قالوا غير راكبها=والحق يطلع لو العالم يغطونه
والناس تفنا ولا تفنا طلايبها=والطيب ربعي شروه ولايبيعونه
ماحسبوا قيمته بيدين طالبها=والمرجله لو يحول الموت من دونه
نطاالخطر ونتعداه ونموتبها=وطلابت ادخيلنا لا وصل ينسونه
وماحدن ظعونه بديرتنا يقربها=وفينا قصيد الطريس اللي يغنونه
افعال(ن)مثبته محدن يشكبها=والجار نموت مانشناه ونخونه
وخوينا ماشكى اخطانا مصايبها=وعدونا ماتهنا بانومه عيونه
وخطيته بالسلامه مايروحبها=بني رشيد الخطر والموت يردونه
لاقامت الحرب وشتبت هبايبها=ومن يخطي الدرب مايشوفه يدلونه

الموضوع الأصلي: وياوموقع اهل الوفا تكفون تحمونه | | الكاتب: خليف الوهيداني | | المصدر: شبكة بني عبس

[رشيدي]

صح لسانك يا الوهيداني ...

[أنكسارحلم]

قصيده جزله من راس جزل بارك الله فيك اخوي خليف الوهيداني
ابداع لايوصف ومعاني ساميه كثر الله من امثالك

تحياتي

[عايض بن صالح]

صح السنك يابو خلف على هذه

القصيده الطيبه

[فهد المويسه]

صح لسانك

وقصيده رائــعــه

وتقبل سلامي

[الاجهر]

قصيدة رائعة جدا - خليف متميز دائما

[مسندالعويمري]

قصيدة رائعة جدا


ابداع لايوصف ومعاني ساميه كثر الله من امثالك

تحياتي

[خليف الوهيداني]

اقتباس من مشاركة رشيدي صح لسانك يا الوهيداني ...

صح بدنك


لاهنت