[أحاسيس]

ول يا كبر القهر لا صار مـا باليـد حيلـه..
والجروح من القرايب والخطا منـي وفينـي!!
أن نويت أشفي غليلي ما لقيت أية وسيلـه..
كيف أبلقى دام جرحي سبته طعنـه يمينـي؟!



وأن نوت تبكي عيوني صارت الدمعه بخيله!!
كبرها لامن تجمع هم قلبـي وهـم عينـي..
ياهموم(ن) بي تعدت حدها صـارت ثقيلـه..
أخذي مني كم سؤال ولو سمحتي جاوبينـي..



ليه من بعد الوفا والطيب وفعول(ن) جليلـه..
من يدين اللي حشمته أول طعوني تجينـي؟؟
وليه لاضاق الفضا في عين من خانه دخيله..
مالقيـت إلا الملامـه أنتهيهـا وتبتديـنـي؟!



ياهمومي ياجروحي يا صدى الروح العليلـه..
والله أن الظلم قهره قيّـد لسانـي ويدينـي!!
يوم قيل أنظر حسودك زاد في قولـه وقيلـه..
ما طرالي غير قولت آآآخ يا دنيا أرحمينـي..



أن تكلمت وحكيت وجبت برهانـي ودليلـه..
ما تضرر كود منهو قـد لفانـي منتخينـي!!
وأن سكت وقلت هانت هم وسنينـي تزيلـه..
أكتشفت أن السنين تزول والهـم محتوينـي!!



بس لجل اللي انتخى في جد جدي والقبيلـه..
والله أني لاشرب المر واتحمل مـا يجينـي..
ودام ما بالكون صدر(ن) أرتمي به وأشتكيله..
ودام مابه عين تقرى حزني اللـي مبتلينـي!!



ما لي إلا بيت شعر(ن) اذكره في كل ليلـه..
لا أنتهى جدال المعاتب بين قلبي وبين عيني..
ول.. يا كبر القهر لاصار ما باليـد حيلـه..
والجروح من القرايب والخطا منـي وفينـي!!
*
*
مماراق لي ,,
كبرياء جرح}.......

الموضوع الأصلي: ول يا كبر القهر لا صار مـا باليـد حيلـه.... | | الكاتب: أحاسيس | | المصدر: شبكة بني عبس

[سحايب]

صح الســــــــــان الشاعر
وسلمت يديك على النقل

[أحاسيس]

يشرفني مرورك يسلموا دمعه