[أحاسيس]

ما كل من يضحك بدنياه مسرور
لو ضحكته دايم تحرك حجاجه




وما كل من يبكي من الناس مقهور
بعض الدموع رخاص من شان حاجه




وما كل صادق لو حكا لك من شعور
يا كثر من زيف المشاعر خراجه


وما كل ما يخفا من السر مستور
بعض الوجيه ابين من ارهف زجاجه


وما كل بيتٍ بابه انصك مهجور
كم بيتٍ اطفا الشح واهج سراجه


وما كل وردٍ تزرعه ينثر عطور
لو ماه صافي ما يخالط هماجه


وما كل مرهف قلب لو يزرع زهور
قلب يحب الورد وهو مثل صاجه


وما كل من يخطي من الناس معذور
البعض يخطي من علوم العواجه


وما كل من يسكت على الظيم مجبور
لجل الغلا ساكت ويدعي انفراجه


وما كل راسٍ ضيع الفكر مسحور
كم راس سحر الحب جاب ارتجاجه


وما كل عله فادها طب دكتور
كم من عليلٍ وصل خله علاجه


وما كل من شاور حكيمٍ خذا الشور
بعض البشر ما يقنع الا مزاجه


وما كل من سمي صقر يشبه صقور

كم من صقر وقت الشدايددجاجه


مماراق لي

الموضوع الأصلي: كم صقر وقت الشدايد دجاجه | | الكاتب: أحاسيس | | المصدر: شبكة بني عبس

[سحايب]

صح الســـــــــان الشاعر
يعطيك العافيه

[سيوف بني عبس]

تسلمين ياغلاتي على القصيدة الرائعه بمعنى الكلمه

[أحاسيس]

يشرفني مروركم يسلموا

[كلي فخر لبوي]

تســـــــــــــــــــــــلمي

[دانه]

ما كل من يضحك بدنياه مسرور
لو ضحكته دايم تحرك حجاجه
صح السان شاعرها
ويعطيكي العافيه اختي

[أحاسيس]

يشرفني مروركم يسلموا

[محمد الراشد]

ياكثر الدجاج مشكوره